News January 10, 2026
NTR: కిడ్నీ బాధితులకు అండగా ఎంపీ చిన్ని
తిరువూరు నియోజకవర్గం ఏ.కొండూరు మండలం పరిధిలోని కిడ్నీ బాధితులకు విజయవాడ ఎంపీ చిన్ని తన సొంత నిధులు రూ. 6-7లక్షలు వెచ్చించి సుమారు వెయ్యి మందికి పౌష్టికాహారం కిట్లను పంపిణీ చేస్తున్నారు. కిట్లలో జొన్నపిండి, నువ్వులు, అటుకులు, చిక్కీ ఇతర ఆహార పదార్థలు ఉన్నాయి. మరో 10 రోజుల్లో CM చంద్రబాబు, Dy.CM పవన్ కళ్యాణ్ ఆధ్వర్యంలో కిడ్నీ బాధిత 52 గ్రామాలకు కృష్ణా నది నీటి పంపిణీ ప్రారంభించినున్నారు.
Similar News
News March 6, 2026
సీజనల్ వ్యాధులపై కలెక్టర్ సమీక్ష
కర్నూలు కలెక్టరేట్లో వైద్య ఆరోగ్య శాఖ ఆధ్వర్యంలో జిల్లా స్థాయి జాయింట్ ఇన్స్పెక్షన్ కమిటీ సమావేశాన్ని కలెక్టర్ డా.ఏ.సిరి నిర్వహించారు. విద్యార్థులు సీజనల్ వ్యాధుల బారిన పడకుండా ప్రభుత్వ వసతి గృహాలు, పాఠశాలల్లో నీటి నమూనాలను 15 రోజులకు ఒకసారి సేకరించి పరీక్షించాలని ఆమె ఆర్డబ్ల్యూఎస్ ఎస్ఈని ఆదేశించారు. పరిశుభ్రమైన తాగునీరు అందించేలా చర్యలు తీసుకోవాలని సూచించారు.
News March 6, 2026
నేపాల్.. మ్యాజిక్ ఫిగర్ను దాటేసిన బాలేంద్ర షా పార్టీ
నేపాల్ పార్లమెంట్ ఎన్నికల ఫలితాల్లో బాలేంద్ర షాకు చెందిన రాష్ట్రీయ స్వతంత్రత పార్టీ(RSP) మ్యాజిక్ ఫిగర్ను దాటేసింది. 90కి పైగా స్థానాల్లో లీడింగ్లో కొనసాగుతోంది. నేపాల్లో 275 స్థానాలు ఉండగా 165 స్థానాలకు ప్రజల ఓటింగ్ ద్వారా విజేతను ప్రకటిస్తారు. మిగిలిన 110 సీట్లను రాజకీయ పార్టీలకు వచ్చిన మొత్తం ఓట్ల శాతం ఆధారంగా కేటాయిస్తారు. 165 సీట్లలో 84 గెలిచిన పార్టీ అధికారం చేపడుతుంది.
News March 6, 2026
T20 ఫ్రాంచైజీని కొంటున్న ద్రవిడ్, అశ్విన్
యురోపియన్ T20 ప్రీమియర్ లీగ్లో భారత మాజీ క్రికెటర్లు ద్రవిడ్, అశ్విన్ భాగం కాబోతున్నారు. గ్లాస్గో ఫ్రాంచైజీని ఇండియాకు చెందిన ఇన్వెస్ట్మెంట్ గ్రూపుతో కలిసి వారు కొనుగోలు చేయనున్నారని BBC Sport తెలిపింది. అందులోనే డచ్ ఫ్రాంచైజీని సౌతాఫ్రికా ఇన్వెస్టర్లు కొననున్నట్లు వెల్లడించింది. దీనిలో డుప్లెసిస్, క్లాసెన్, జాంటీ రోడ్స్ ఇన్వెస్టర్లుగా ఉన్నారు. 6 జట్లు ఉండే ఈ లీగ్ ఆగస్టులో ప్రారంభం కానుంది.