News January 11, 2026
నిఖత్ జరీన్కు గోల్డ్ మెడల్
గ్రేటర్ నోయిడాలో (UP) జరిగిన నేషనల్ బాక్సింగ్ ఛాంపియన్షిప్లో తెలంగాణ బాక్సర్లు నిఖత్ జరీన్, మహ్మద్ హుసాముద్దీన్ గోల్డ్ మెడల్స్ సాధించారు. 51 కేజీల విభాగంలో నిఖత్ జరీన్.. 2023 ప్రపంచ ఛాంపియన్ నితూ ఘాంగాస్ను ఓడించి తన మూడో నేషనల్ టైటిల్ను గెలుచుకున్నారు. మరోవైపు హుసాముద్దీన్ 60KGల విభాగంలో సచిన్ సివాచ్పై విజయం సాధించారు. 75KGల విభాగంలో లవ్లీనా బోర్గోహైన్ సైతం గోల్డ్ మెడల్ సాధించారు.
Similar News
News February 10, 2026
నిర్భయలా మరణించి ఉంటే నమ్మేవారేమో.. ఉన్నావ్ రేప్ బాధితురాలు
ఉన్నావ్ రేప్ కేసు నిందితుడు కుల్దీప్ సెంగార్ (ఫొటోలో)కు సుప్రీంకోర్టు బెయిల్ తిరస్కరించడంపై బాధితురాలు సంతోషం వ్యక్తం చేశారు. ‘ఈ కేసులో 3నెలల్లో వాదనలు పూర్తి చేయాలని జడ్జి ఆదేశించడం సంతృప్తినిచ్చింది. నిందితుడి సోదరుల చేతిలో మరణించిన నా తండ్రి తిరిగి రాలేడు. నాపై జరిగిన రేప్ కేసులో న్యాయం కోసం 8ఏళ్లుగా పోరాడుతున్నా. బహుశా నిర్భయ లాగా మరణించి ఉంటే నమ్మేవారేమో’ అని ఆవేదన వ్యక్తం చేశారు.
News February 10, 2026
బీజేపీ అభ్యర్థి ఆత్మహత్య.. కాంగ్రెస్పై ఆరోపణలు
TG: నారాయణపేట(D) మక్తల్ మున్సిపాలిటీలో ఆరో వార్డుకు పోటీ చేస్తున్న BJP అభ్యర్థి మహదేవప్ప సూసైడ్ చేసుకోవడం కలకలం రేపింది. నిన్నటివరకు ఎన్నికల ప్రచారంలో పాల్గొన్న ఆయన ఉరివేసుకుని చనిపోయారు. పోటీ నుంచి తప్పుకోవాలని ప్రత్యర్థి నాయకులు ఆయన్ను వేధించారని కుటుంబ సభ్యులు ఆరోపిస్తున్నారు. మంత్రి శ్రీహరి, ఆయన అనుచరుల వేధింపులే మహదేవప్ప మరణానికి కారణమని T BJP చీఫ్ రాంచందర్ రావు ఆరోపించారు.
News February 10, 2026
కిలో టమాటా రూ.5.. రైతుల ఆవేదన
AP: టమాటా ధరలు రోజురోజుకీ పడిపోతుండటంతో రైతు కన్నీరు పెడుతున్నాడు. తాజాగా కర్నూల్ జిల్లా ఆస్పరి, హొళగుందలో కేజీ టమాటా ధర రూ.5కి పడిపోయింది. దీంతో రైతులు టమాటాను రోడ్లపైనే పడేస్తున్నారు. రవాణా ఖర్చులు కూడా రావట్లేదని ఆవేదన వ్యక్తం చేస్తున్నారు. అటు పత్తికొండలో ఇప్పటికే కొనుగోళ్లు నిలిచిపోయాయి. తెలంగాణలోని పలు ప్రాంతాల్లో ధరలు ఇంచుమించుగా ఇలాగే ఉన్నాయని రైతులు చెబుతున్నారు.