News January 11, 2026
వైరలవుతున్న 365 Buttons ట్రెండ్.. ఏంటిది?
ఇప్పుడు SMలో 365 Buttons అనే కొత్త ట్రెండ్ వైరలవుతోంది. 365 బటన్స్ కొని రోజుకు ఒకటి పక్కన పెడతానని.. అవి తన సమయాన్ని, బాధ్యతను గుర్తుచేస్తాయని తమారా అనే యూజర్ 2025 చివర్లో పోస్ట్ చేశారు. దీనికి నెటిజన్లు బటన్లే ఎందుకు? లాభమేంటి? అంటూ ఆరాతీశారు. దానికి ఆమె ‘నాకర్థమైతే చాలు. ఎవరికీ వివరణ ఇవ్వక్కర్లేదు’ అని సమాధానమిచ్చారు. దీంతో సొంత నిర్ణయాలకు ఇతరుల అనుమతి అక్కర్లేదనే అర్థంలో ఈ ట్రెండ్ వైరలవుతోంది.
Similar News
News March 21, 2026
ఉదయాన్నే కాఫీ/టీ తాగితే..
కాఫీ, టీ తాగితే మంచిదా? కాదా? అనే అంశంపై విభిన్న ప్రకటనలు వెలువడుతూనే ఉన్నాయి. తాజాగా USకు చెందిన హార్వర్డ్, MIT సైంటిస్టులు ఆసక్తికర అంశాన్ని వెల్లడించారు. ఉదయాన్నే కెఫిన్ ఉన్న కాఫీ/టీని మితంగా తీసుకుంటే డిమెన్షియా(మతిమరుపు) ప్రమాదం 18% తగ్గుతుందని పేర్కొన్నారు. స్పష్టంగా ఆలోచించే సామర్థ్యం మెరుగుపడుతుందన్నారు. 43 ఏళ్లలోపు వయసున్న 1,31,821 మంది డేటాను విశ్లేషించి ఈ విషయాన్ని తెలిపారు.
News March 21, 2026
తెలంగాణ మరో శ్రీలంక కాబోతోంది: బండి సంజయ్
తెలంగాణ మరో శ్రీలంక కాబోతోందని కేంద్ర మంత్రి బండి సంజయ్ విమర్శించారు. ఇది ప్రజలను వంచించే బడ్జెట్ అని, అంకెల ఆర్భాటాలు తప్ప ఒరిగేదేమీ లేదని మీడియాతో అన్నారు. 6 గ్యారంటీలను గాలికి వదిలేశారని ఫైరయ్యారు. ‘డ్రగ్స్ కేసులో సీఎంకు చిత్తశుద్ధి లేదు. ఫార్ములా ఈ, ఫోన్ ట్యాపింగ్, డ్రగ్స్ కేసులో కేసీఆర్ కుటుంబ సభ్యులను ఎందుకు అరెస్టు చేయడం లేదు. కాంగ్రెస్, బీఆర్ఎస్ ఒక్కటే’ అని ఆరోపించారు.
News March 21, 2026
నేడు, రేపు వర్షాలు: APSDMA
AP: బంగాళాఖాతంపై ఏర్పడిన ఉపరితల ఆవర్తనం, ద్రోణి ప్రభావంతో నేడు, రేపు వానలు పడతాయని APSDMA తెలిపింది. ఇవాళ రాష్ట్రంలోని దాదాపు అన్ని జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురుస్తాయని అంచనా వేసింది. రేపు విజయనగరం, VZG, అనకాపల్లి, కృష్ణా, NTR, గుంటూరు, బాపట్ల, ATP, సత్యసాయి జిల్లాల్లో వానలు పడతాయని హెచ్చరించింది. రైతులు వ్యవసాయ పనుల్లో అప్రమత్తంగా ఉండాలని సూచించింది.