News January 13, 2026
మెదక్: కౌన్సిలర్ అభ్యర్థుల్లో రిజర్వేషన్ టెన్షన్
మున్సిపల్ ఎన్నికల నగారా త్వరలో మోగనుండటంతో ఉమ్మడి మెదక్ జిల్లాలో ఆశావహుల్లో ఉత్కంఠ నెలకొంది. ఓటరు జాబితా విడుదల కావడంతో ఇప్పుడు అందరి దృష్టి రిజర్వేషన్లపైనే ఉంది. తమ వార్డు ఏ వర్గానికి కేటాయిస్తారోనని అభ్యర్థులు ఆందోళన చెందుతున్నారు. మరోవైపు టికెట్ల కోసం పైరవీలు ముమ్మరం చేస్తూనే, వార్డుల్లో ప్రచారం మొదలుపెట్టారు. రిజర్వేషన్లు ఖరారైతేనే పోటీపై స్పష్టత రానుంది.
Similar News
News February 2, 2026
మెదక్: మున్సిపల్ ఛైర్మన్, వైస్ ఛైర్మన్ ఎన్నికలపై ఆదేశాలు
మున్సిపల్ ఎన్నికల ఫలితాల అనంతరం పరోక్ష విధానంలో జరిగే మున్సిపల్ ఛైర్మన్, వైస్ ఛైర్మన్ ఎన్నికల సందర్భంగా ఎక్స్ అఫిషియో సభ్యులుగా ఉన్న ప్రజాప్రతినిధులు ఒక మున్సిపాలిటీని ఎంపిక చేసుకుని ఆప్షన్ ఇవ్వాలని రాష్ట్ర ఎన్నికల కమిషనర్ రాణి కుముదిని సూచించారు. ఈ మేరకు సోమవారం జిల్లా కలెక్టర్లు, అదనపు కలెక్టర్లతో వీడియో కాన్ఫరెన్స్ నిర్వహించారు. ఫిబ్రవరి 11 నుంచి 14 లోపు నోటీసులు జారీ చేయాలన్నారు.
News February 2, 2026
మెదక్: ప్రజావాణిలో 8 ఫిర్యాదులు
మెదక్ జిల్లాలోని పలు గ్రామాల నుంచి వచ్చిన ప్రజలు తమ సమస్యలు, వివాదాలు, పోలీసు సంబంధిత ఇబ్బందులను ఎస్పీ డీవీ. శ్రీనివాస రావుకు వివరించారు. ప్రతి ఫిర్యాదుదారునితో వ్యక్తిగతంగా మాట్లాడి వారి సమస్యలను తెలుసుకుని పరిశీలించారు. ఫిర్యాదులపై వెంటనే స్పందిస్తూ సంబంధిత సర్కిల్ ఇన్స్పెక్టర్లు, సబ్ఇన్స్పెక్టర్లకు తగిన ఆదేశాలు జారీ చేశారు. మొత్తం 8 ఫిర్యాదులు వచ్చినట్లు చెప్పారు.
News February 2, 2026
మెదక్: విద్యార్థులు అవకాశాన్ని వినియోగించుకోవాలి: అదనపు కలెక్టర్
ప్రభుత్వ పాఠశాలల్లో చదువుతున్న ప్రతిభావంతులైన విద్యార్థులను ప్రోత్సహించేందుకు ప్రైవేటు ఇన్సూరెన్స్ వారు రూ.2.2 కోట్ల నగదు బహుమతులను ప్రకటించినట్లు అదనపు కలెక్టర్ నగేష్ తెలిపారు. 2026లో 10వ తరగతి పరీక్షల్లో రాష్ట్ర స్థాయి ఫస్ట్కు రూ.5 లక్షలు, సెకండ్కు రూ.3 లక్షలు, జిల్లా టాపర్కు రూ.2 లక్షలు, నియోజకవర్గ టాపర్కు రూ.1 లక్ష, మండల స్థాయి టాపర్కు రూ.10 వేల చొప్పున బహుమతులు అందజేయనున్నట్లు చెప్పారు.