News January 13, 2026
ఇరాన్లో రక్తపాతం.. 2,000 మంది మృతి!
ఇరాన్లో ప్రభుత్వ వ్యతిరేక నిరసనలు తీవ్ర హింసాత్మకంగా మారాయి. ఇప్పటివరకు సుమారు 2,000 మంది మరణించినట్లు సమాచారం. ఈ మరణాలకు ‘ఉగ్రవాదులే’ కారణమని ఇరాన్ అధికారులు ఆరోపిస్తుండగా, భద్రతా దళాల కాల్పుల వల్లే పౌరులు ప్రాణాలు కోల్పోయారని మానవ హక్కుల సంఘాలు పేర్కొంటున్నాయి. ఇంటర్నెట్ నిలిపివేతతో పూర్తి వివరాలు తెలియడం లేదు. అమెరికా జోక్యం చేసుకుంటే తీవ్ర పరిణామాలు ఉంటాయని ఇరాన్ హెచ్చరించింది.
Similar News
News February 10, 2026
కొడుకు పెళ్లికి రావాలని మోదీకి సచిన్ ఆహ్వానం
క్రికెట్ దిగ్గజం సచిన్ టెండూల్కర్ కుటుంబంతో PM మోదీని కలిశారు. Mar 5న జరగనున్న కొడుకు అర్జున్ పెళ్లికి ఆయనను ఆహ్వానించినట్లు SMలో సచిన్ తెలిపారు. ‘అర్జున్, సానియా చందోక్ పెళ్లికి మోదీని ఆహ్వానించడం గర్వంగా ఉంది. యంగ్ కపుల్ను ఆశీర్వదించి, విలువైన సలహాలు ఇచ్చినందుకు ధన్యవాదాలు’ అని పేర్కొన్నారు. అనంతరం ఢిల్లీ 10 జన్పథ్లోని నివాసంలో సోనియా గాంధీని కలిసి పెళ్లి వేడుకకు ఆహ్వానించారు.
News February 10, 2026
కొడంగల్కు సీఎం రేవంత్
TG: CM రేవంత్ రేపు కొడంగల్లో పర్యటించనున్నారు. మున్సిపల్ ఎన్నికల పోలింగ్ నేపథ్యంలో ఉ.11.30గం.కు కొడంగల్లోని జిల్లా పరిషత్ బాలుర ఉన్నత పాఠశాలలో ఓటు హక్కు వినియోగించుకోనున్నారు. అనంతరం HYDకు తిరిగి పయనమవుతారు. రేపు రాష్ట్రంలోని 116 మున్సిపాలిటీలు, 7 కార్పొరేషన్లకు పోలింగ్ జరగనుంది. 8,203 కేంద్రాలు, 16,301 బ్యాలెట్ బాక్సులను EC సిద్ధం చేసింది. మొత్తం 12,930మంది అభ్యర్థులు బరిలో ఉన్నారు.
News February 10, 2026
రైతులకు వాట్సాప్లో APMIP సేవలు
AP: వాట్సాప్(మన మిత్ర)లో ఆంధ్రప్రదేశ్ మైక్రో ఇరిగేషన్ ప్రాజెక్టు(APMIP)ను ఏర్పాటు చేసినట్లు మంత్రి అచ్చెన్నాయుడు పేర్కొన్నారు. ‘రైతులు ఫోన్తో 9552300009 నంబర్కు వాట్సాప్లో Hi అని పంపి, APMIPను ఎంపిక చేసుకోవాలి. సబ్సిడీ కోసం నమోదు, దరఖాస్తు స్టేటస్ తెలుసుకోవడం వంటి సేవలను ఇంటి నుంచే పొందవచ్చు. డ్రిప్ ఇరిగేషన్, స్ప్రింక్లర్లు ఆన్లైన్లో కొని సురక్షితంగా చెల్లింపులు చేయొచ్చు’ అని తెలిపారు.