News January 14, 2026

WGL: పుర పోరులో మహిళా ఓటర్లదే పైచేయి!

ఉమ్మడి వరంగల్ జిల్లాలోని మున్సిపాలిటీల్లో మహిళా ఓటర్లు ఆధిపత్యం ప్రదర్శిస్తున్నారు. మొత్తం 3,35,244 మంది ఓటర్లలో మహిళలు 1,72,087 మంది ఉండగా, పురుషుల సంఖ్య 1,63,088గా నమోదైంది. పురుషుల కంటే 8,999 మంది మహిళా ఓటర్లు అధికంగా ఉన్నారు. భూపాలపల్లి మినహా మిగిలిన అన్ని పురపాలికల్లో మహిళలదే పైచేయిగా ఉంది. జిల్లాలో అతిపెద్ద మున్సిపాలిటీ అయిన మహబూబాబాద్‌లోనూ మహిళా ఓటర్లే 2,571 మంది ఎక్కువగా ఉండటం విశేషం.