News January 15, 2026
114 రాఫెల్స్.. రూ.3.25 లక్షల కోట్ల డీల్!
భారత రక్షణ రంగంలోనే అతిపెద్ద ఒప్పందానికి రంగం సిద్ధమవుతోంది. ఫ్రాన్స్ నుంచి 114 రాఫెల్ యుద్ధ విమానాల కొనుగోలుకు రూ.3.25 లక్షల కోట్ల డీల్ను రక్షణ మంత్రిత్వ శాఖ పరిశీలించనుంది. ఈ వారాంతంలో జరిగే ఉన్నత స్థాయి సమావేశంలో నిర్ణయం తీసుకునే అవకాశం ఉంది. ఒప్పందంలో భాగంగా 30% స్వదేశీ పార్ట్స్తోనే ఇండియాలోనే తయారీకి ప్రణాళికలు రూపొందించారు. ఈ డీల్ ఫిక్స్ అయితే భారత్లో రాఫెల్స్ సంఖ్య 176కు పెరగనుంది.
Similar News
News February 19, 2026
T20WC.. శ్రీలంకపై జింబాబ్వే సంచలన విజయం
T20WCలో మరో సంచలనం నమోదైంది. ఇటీవల ఆస్ట్రేలియాను ఓడించిన జింబాబ్వే ఇవాళ శ్రీలంకను 6 వికెట్ల తేడాతో మట్టికరిపించింది. తొలుత లంక 20 ఓవర్లలో 178/7 రన్స్ చేసింది. అనంతరం జింబాబ్వే 4 వికెట్లు మాత్రమే కోల్పోయి 19.3 ఓవర్లలో లక్ష్యాన్ని ఛేదించింది. ఓపెనర్ బెన్నెట్ (63*), సికిందర్ రజా 45 పరుగులతో తమ జట్టును గెలిపించారు. ఇప్పటికే జింబాబ్వే సూపర్-8లోకి వెళ్లిన సంగతి తెలిసిందే.
News February 19, 2026
‘రఫేల్’ భారత్ను బలోపేతం చేస్తుంది: మాక్రాన్
ఫ్రాన్స్తో భారత్ 114 రఫేల్ విమానాల డీల్ ప్రతిపాదనను ఆ దేశ అధ్యక్షుడు మాక్రాన్ సమర్థించారు. ఈ డీల్పై వస్తున్న విమర్శలను తోసిపుచ్చారు. ఈ డీల్ భారత్ను బలోపేతం చేస్తుందని, భారత్-ఫ్రాన్స్ బంధం పెరుగుతుందని, ఉద్యోగ అవకాశాలు పెరుగుతాయని తెలిపారు. ఇక రఫేల్ యుద్ధవిమానాల లోకల్ మాన్యుఫ్యాక్చరింగ్పై సానుకూలంగా స్పందించారు. సబ్మెరైన్ల ప్రాజెక్ట్పైనా ఇరు దేశాలు కృషి చేస్తాయని ఆశిస్తున్నానని తెలిపారు.
News February 19, 2026
చరిత్ర సృష్టించిన హర్మన్
భారత మహిళల క్రికెట్ జట్టు కెప్టెన్ హర్మన్ప్రీత్ కౌర్ చరిత్ర సృష్టించారు. అత్యధిక(356) అంతర్జాతీయ మ్యాచ్లు(టెస్టు, ODI, T20) ఆడిన ప్లేయర్గా నిలిచారు. ఇవాళ ఆసీస్తో రెండో టీ20 ఆడటం ద్వారా ఈ ఘనత సాధించారు. తర్వాతి స్థానాల్లో సుజీ బేట్స్(కివీస్-355M), ఎల్లీస్ పెర్రీ(ఆసీస్- 349M), మిథాలీ రాజ్(ఇండియా-333M) ఉన్నారు. కాగా ఇవాళ్టి మ్యాచ్లో భారత్పై 19 పరుగుల తేడాతో ఆసీస్ గెలిచింది.