News January 16, 2026
రాష్ట్రంలో 424 పోస్టులు.. అప్లైకి ఎల్లుండే లాస్ట్ డేట్
EdCIL APలో 424 డిస్ట్రిక్ట్ కెరీర్& మెంటల్ హెల్త్ కౌన్సిలర్స్ పోస్టులకు అప్లై చేయడానికి ఎల్లుండే(JAN 18) ఆఖరు తేదీ. పోస్టును బట్టి MSc/MA, BA/BSc(సైకాలజీ), MSc/M.Phil, MSW, MSc(సైకియాట్రిక్ నర్సింగ్) ఉత్తీర్ణతతో పాటు పని అనుభవం ఉండాలి. అభ్యర్థుల గరిష్ఠ వయసు 45ఏళ్లు. నెలకు జీతం 30వేలు+అలవెన్సులు రూ.4వేలు చెల్లిస్తారు. సైట్: www.edcilindia.co.in/ * మరిన్ని ఉద్యోగాల కోసం <<-se_10012>>జాబ్స్<<>> కేటగిరీకి వెళ్లండి.
Similar News
News February 24, 2026
ప్రజల అర్జీలకు అధిక ప్రాధాన్యత: కలెక్టర్
ప్రజల నుంచి అందే అర్జీలకు అత్యధిక ప్రాధాన్యం ఇచ్చి, సకాలంలో సానుకూలంగా పరిష్కరించాలని కలెక్టర్ డీకే బాలాజీ అధికారులను ఆదేశించారు. సోమవారం మచిలీపట్నంలో జాయింట్ కలెక్టర్ నవీన్తో కలిసి ప్రజల నుంచి ఆయన అర్జీలు స్వీకరించారు. ఉద్యోగుల గ్రీవెన్స్డే నిర్వహించి వివిధ శాఖల ఉద్యోగుల నుంచి అర్జీలు స్వీకరించారు. అనంతరం మీ-కోసం కార్యక్రమంలో ప్రజల నుంచి వచ్చిన వినతులను స్వీకరించారు.
News February 24, 2026
కర్నూలు: ‘సర్వసభ్య సమావేశాలకు సిద్ధం కావాలి’
అసెంబ్లీ సమావేశాల నేపథ్యంలో మార్చి 1న కర్నూలు జిల్లా పరిషత్ సమావేశ మందిరంలో జిల్లా సర్వసభ్య సమావేశం నిర్వహించనున్నట్లు కలెక్టర్ తెలిపారు. ఈ సమావేశంలో ఆర్డబ్ల్యూఎస్, విద్యాశాఖ, పౌర సరఫరాల శాఖలకు సంబంధించిన అంశాలపై సమీక్ష జరుగుతుందని సోమవారం పేర్కొన్నారు. సంబంధిత అధికారులు పూర్తి వివరాలతో, గణాంకాలతో సిద్ధంగా ఉండాలని ఆదేశించారు. ప్రజాప్రతినిధులు లేవనెత్తే అంశాలపై వివరణ ఇవ్వాలన్నారు.
News February 24, 2026
90% కాఫ్ సిరప్ ఫ్యాక్టరీలను తనిఖీ చేశాం: డీసీజీఐ
10 నెలల్లో దేశంలోని 1,150 దగ్గుమందు తయారీ కేంద్రాలను తనిఖీ చేసినట్లు డ్రగ్స్ కంట్రోలర్ జనరల్ ఆఫ్ ఇండియా వెల్లడించింది. వీటిలో 850 సంస్థలకు CAPA హెచ్చరికలు జారీ చేసినట్లు తెలిపింది. దేశంలోని దాదాపు 90% సంస్థలను ఆడిట్ చేశామని పేర్కొంది. తీవ్రమైన ఉల్లంఘనలపై కఠిన చర్యలు తీసుకున్నట్లు తెలిపింది. గత ఏడాది దగ్గుమందు వల్ల <<17936583>>మరణాలు<<>> సంభవించడంతో కేంద్రం తనిఖీలను ముమ్మరం చేసింది.