News January 18, 2026
రుక్మిణీ వసంత్ డేటింగ్?.. క్లారిటీ!
‘కాంతార-2’ భామ రుక్మిణీ వసంత్ ఫొటో SMలో వైరలవుతోంది. ఓ వ్యక్తితో ఆమె క్లోజ్గా ఉండటంతో వీరిద్దరు రిలేషన్లో ఉన్నారని ప్రచారం జరుగుతోంది. అయితే ఫొటోలో ఉన్న వ్యక్తి సిద్ధాంత్ నాగ్ కాగా, అతనొక ఫొటోగ్రాఫర్ అని సమాచారం. వీరిద్దరు బెస్ట్ ఫ్రెండ్స్ అని తెలుస్తోంది. ఇది 2023లో దిగిన ఫొటో కాగా తాజాగా వైరలవ్వడం గమనార్హం. ప్రస్తుతం రుక్మిణి ఎన్టీఆర్-నీల్, టాక్సిక్ మూవీల్లో నటిస్తున్నారు.
Similar News
News January 26, 2026
భీష్మ తర్పణం ఎలా సమర్పించాలంటే..?
పురుషులు మాత్రమే భీష్మ తర్పణం ఇవ్వాలి. ఉదయాన్నే తలస్నానం చేసి, నిత్యపూజలు చేయాలి. 12 PMకి పూజా మందిరంలో లేదా ఇంటి ఆవరణలో దక్షిణ ముఖంగా కూర్చోవాలి. ఆచమనంతో పాటు ప్రాణాయామం చేయాలి. అనంతరం ‘పూర్వోక్త ఏవంగుణ విశేషణ విశిష్టాయాం శుభ తిథౌ శ్రీ పరమేశ్వర ప్రీత్యర్థం మాఘ శుక్లాష్టమ్యాం భీష్మ తర్పణార్ఘ్యం కరిష్యే’ అని సంకల్పం చెప్పుకుని భీష్మునికి జలాన్ని వదలాలి. తద్వారా పితృదేవతల అనుగ్రహం కలుగుతుంది.
News January 26, 2026
రిపబ్లిక్ డే ఎందుకు జరుపుకుంటాం?
మన దేశానికి 1947 AUG 15నే స్వాతంత్ర్యం సిద్ధించినా 1950 JAN 26 నుంచి రాజ్యాంగం అమల్లోకి వచ్చింది. అప్పటివరకు ఉన్న బ్రిటిష్ కాలం నాటి భారత ప్రభుత్వ చట్టం-1935 రద్దయింది. దీంతో భారత్ సర్వసత్తాక, ప్రజాస్వామ్య, గణతంత్ర రాజ్యంగా అవతరించింది. అందుకే ఈ రోజుని రిపబ్లిక్ డేగా జరుపుకుంటున్నాం. 1949 NOV 26నే రాజ్యాంగ రచన పూర్తయినా కొన్ని సర్దుబాట్లతో 2 నెలలు ఆలస్యంగా JAN 26న అమల్లోకి తెచ్చారు.
News January 26, 2026
చలికాలంలో కోడి పిల్లల మరణాలు తగ్గాలంటే..
చలికాలంలో కోడి పిల్లల మరణాలు తగ్గాలంటే బ్రూడింగ్ ముఖ్యం. దీని కోసం 200 వాట్ల విద్యుత్ బల్బులను 100 కోడి పిల్లలకు ఒకటి చొప్పున షెడ్లో ఏర్పాటు చేసుకోవాలి. ఫారమ్ చుట్టూ టార్పాలిన్ కవర్లను కప్పి షెడ్ లోపల ఉష్ణోగ్రత ఎప్పుడూ 32-35 డిగ్రీల సెంటీగ్రేడ్ మధ్య ఉండేలా చూసుకోవాలి. షెడ్లో కింద 2 అంగుళాల మేర పొట్టు వేసుకొని దానిపై న్యూస్ పేపర్ వేసుకోవాలి. ఈ చర్యల వల్ల కోడి పిల్లల మరణాలు చాలా వరకు తగ్గుతాయి.