News January 25, 2026

గుంటూరు మిర్చి యార్డులో ఎర్రజోరు.. ఎగబాకుతున్న ధరలు

మిర్చి సాగు చేసిన రైతులకు ఈ ఏడాది మార్కెట్ ధరలు ఊరటనిస్తున్నాయి. వాతావరణం అనుకూలించి తెగుళ్లు తగ్గడంతో దిగుబడులు ఆశాజనకంగా ఉండటమే కాకుండా, ధరలు కూడా పెరిగాయి. గుంటూరు మిర్చి యార్డులో 2 నెలల క్రితం క్వింటా రూ.15 వేలు ఉన్న US-341 రకం, రూ.23 వేలకు చేరుకుంది. అదే విధంగా తేజ రకం మిర్చి కూడా రూ.15 వేల నుంచి రూ.18 వేల వరకు పలుకుతోంది. పెరిగిన ధరలతో లాభాలు వస్తాయని రైతులు సంతోషం వ్యక్తం చేస్తున్నారు.