News January 26, 2026

జుక్కల్‌లో చిరుత సంచారం.. 5 గ్రామాలకు హెచ్చరిక

జుక్కల్ మండలంలోని 5 గ్రామాల పరిధిలో చిరుత పులి సంచరిస్తుండటంతో అటవీశాఖ అధికారులు ప్రజలను అప్రమత్తం చేశారు. క్షేత్రస్థాయిలో పర్యటించిన అధికారులు చిరుత అడుగుజాడలను గుర్తించారు. ముఖ్యంగా పొలాల వద్దకు, వ్యవసాయ బావుల దగ్గరకు వెళ్లే రైతులు, కూలీలు సమూహాలుగా వెళ్లాలని, అత్యంత జాగ్రత్తగా ఉండాలని సూచించారు. చిరుతను పట్టుకునేందుకు అవసరమైన చర్యలు తీసుకుంటున్నట్లు అధికారులు వెల్లడించారు.