News January 26, 2026
బెంగాల్లో రాష్ట్రపతి పాలన.. BJP MP వ్యాఖ్యల దుమారం
బెంగాల్లో త్వరలో రాష్ట్రపతి పాలన అంటూ BJP MP అభిజిత్ గంగోపాధ్యాయ్ చేసిన వ్యాఖ్యలు తీవ్ర దుమారం రేపాయి. రానున్న రోజుల్లో రాష్ట్ర ప్రభుత్వానికి సంబంధించిన ఓ పెద్ద స్కామ్ వెలుగులోకి వస్తుందని.. దానిపై ప్రజలు పెద్ద ఎత్తున నిరసనలు చేపడతారని అన్నారు. దీనివల్ల లా అండ్ ఆర్డర్ దెబ్బతిని రాష్ట్రపతి పాలనకు డిమాండ్లు వస్తాయని పేర్కొన్నారు. ఈ వ్యాఖ్యలపై TMC వర్గాలు తీవ్రస్థాయిలో మండిపడుతున్నాయి.
Similar News
News February 8, 2026
మరణించినవారి ఫొటోలు ఎక్కడ ఉంచాలంటే?
చనిపోయిన వారి ఫొటోలను పూజా మందిరంలో దేవుడి పటాలతో కలిపి పెట్టకూడదని వాస్తు నిపుణులు కృష్ణాదిశేషు సూచిస్తున్నారు. ఇది వాస్తురీత్యా తప్పని వివరిస్తున్నారు. ‘మరణించిన వారు ఎంతటి వారైనా దేవుళ్లతో సమానం కాదు. వారి ఫొటోలను యమస్థానమైన దక్షిణ వైపు గోడలకు తగిలించడం మంచిది. వారి ఫొటోలు హాలులో కూడా ఉంచకూడదు. లేకపోతే ఇంట్లో ఇబ్బందులు తలెత్తవచ్చు. శాస్త్రనియమాలను అనుసరించి సరైన దిశలో ఉంచాలి’ అన్నారు. <<-se>>#Vasthu<<>>
News February 8, 2026
13.06% పెరిగిన SBI లాభం
SBI బ్యాంకు లాభం 13.06% పెరిగింది. ఈ ఆర్థిక సంవత్సరం DEC క్వార్టర్లో రూ.21,028 కోట్ల నికర లాభాన్ని పొందింది. మొత్తం ఆదాయంలో 9.7%వృద్ధి సాధించింది. ఏకీకృత అకౌంట్ల ప్రకారం నికర లాభం రూ.21,317 కోట్లుగా నమోదైంది. 9.4% వృద్ధితో నికర వడ్డీ ఆదాయం రూ.41,446 కోట్ల నుంచి రూ.45,190 కోట్లకు పెరిగింది. ఏడాది క్రితం రూ.3,823కోట్లుగా ఉన్న మొండి బకాయిలు రూ.4,458 కోట్లకు చేరినట్టు బ్యాంక్ ఛైర్మన్ తెలిపారు.
News February 8, 2026
బర్డ్ ఫ్లూతో భారీగా కోళ్లు మృతి.. చికెన్ తినొచ్చా?
AP: అన్నమయ్య(D) సదుం(M) పుత్తవారిపల్లె, అమ్మగారిపల్లె, కంభంవారిపల్లెల్లో వందల సంఖ్యలో కోళ్లు చనిపోగా పశుసంవర్ధక శాఖ అప్రమత్తమైంది. కోళ్ల శాంపిల్స్ను భోపాల్లోని ల్యాబ్కు పంపగా బర్డ్ ఫ్లూ వైరస్ సోకినట్లుగా నిర్ధారణ అయిందని అధికారులు పేర్కొన్నారు. బర్డ్ఫ్లూతో భయాందోళనలు వ్యక్తం అవుతున్న వేళ వారు కీలక సూచనలు చేశారు. 100 డిగ్రీలకు పైగా ఉష్ణోగ్రతతో వేడి చేసిన చికెన్, గుడ్లను తినొచ్చని చెప్పారు.