News January 27, 2026
త్వరలో ATMలలో చిన్న నోట్లు.. ఛేంజ్ కూడా తీసుకోవచ్చు!
₹10, 20, 50 వంటి చిన్న నోట్ల చెలామణీ పెంచేందుకు కొత్త ATMలను తీసుకురావాలని కేంద్రం యోచిస్తోంది. ₹500, ₹100తోపాటు చిన్న నోట్లు విత్ డ్రా చేసుకునేలా ప్లాన్ చేస్తున్నట్లు Mint తెలిపింది. ముంబైలో పరీక్షిస్తున్నారని, ఆమోదం వస్తే దేశమంతటా అమలు చేస్తారని సమాచారం. ATMలో ఛేంజ్ తీసుకునే అంశాన్నీ పరిశీలిస్తున్నట్లు తెలుస్తోంది. ఉదాహరణకు మన దగ్గర ఉన్న ₹500 నోటును అందులో ఉంచి, ఐదు ₹100 నోట్లను తీసుకోవచ్చు.
Similar News
News February 7, 2026
నా కొడుకును అప్పటివరకు పెద్ద క్రికెటర్గా భావించను: వైభవ్ తండ్రి
అండర్-19 WC ఫైనల్లో తన కుమారుడి ఆట చూసి గర్వంగా ఉందని వైభవ్ సూర్యవంశీ తండ్రి సంజీవ్ తెలిపారు. అతడితో పాటు మిగిలిన అందరు ఆటగాళ్లు అద్భుతంగా ఆడారని ప్రశంసించారు. అయితే వైభవ్ టెస్టులు ఆడనంత వరకు అతడిని పెద్ద క్రికెటర్గా చూడనని చెప్పారు. ఇది ఆరంభం మాత్రమేనని, భవిష్యత్లో సాధించాల్సింది ఎంతో ఉందని పేర్కొన్నారు. వైభవ్ వల్ల బిహార్లో చాలా మంది పిల్లలు క్రికెట్ వైపు వచ్చే అవకాశం ఉందన్నారు.
News February 7, 2026
డెలివరీ తర్వాత కాళ్ల వాపులు తగ్గట్లేదా?
డెలివరీ తర్వాత మహిళల్లో చాలా ఇబ్బందులు తలెత్తుతాయి. వాటిల్లో ఒకటి కాళ్లవాపు. ప్రెగ్నెన్సీలో కాళ్లవాపు సహజమే కానీ డెలివరీ తర్వాత కూడా అలా ఉంటే జాగ్రత్త పడాలంటున్నారు నిపుణులు. కాళ్లు ఎత్తులో పెట్టుకొని పడుకోవడం, మసాజ్ చేయడం, సాల్ట్ ఎక్కువగా తీసుకోవడం, ఎక్కువసేపు ఒకే పొజిషన్లో ఉండటం వల్ల ఇలా జరుగుతుంది. దీన్ని నివారించడానికి ప్రొటీన్లు, పొటాషియం ఉన్న ఆహారాలు డైట్లో చేర్చుకోవాలని సూచిస్తున్నారు.
News February 7, 2026
మసీదుపై దాడి.. అసలేంటీ ఇస్లామిక్ స్టేట్?
పాక్లో చేసిన <<19073745>>దాడి<<>>తో మరోసారి ఇస్లామిక్ స్టేట్(ISIS) పేరు చర్చనీయాంశమవుతోంది. 2014-2017 మధ్య సిరియా, ఇరాక్లో అతి దారుణమైన దాడులతో ప్రపంచాన్ని భయపెట్టిందీ సంస్థ. కానీ US దాడులు, దాని చీఫ్ అబు బకర్ బగ్దాదీ హతమవడంతో పతనమైంది. ప్రస్తుతం సిరియా, ఇరాక్, అఫ్గాన్, పాక్తోపాటు పలు దేశాల్లో ఉనికిలో ఉంది. దీని నాయకత్వం రహస్యంగా ఉంది. తరచూ దాడులు చేస్తోంది. ఇటీవల <<18561798>>సిడ్నీలో దాడి<<>> చేసింది కూడా IS సానుభూతిపరులే.