News January 29, 2026
రేపు హనుమకొండ జిల్లాలో విద్యాసంస్థలకు సెలవు
మేడారం మహాజాతరను పురస్కరించుకుని ఈనెల 30న శుక్రవారం హనుమకొండ జిల్లాలోని అన్ని ప్రభుత్వ, ప్రైవేట్ విద్యాసంస్థలకు సెలవు ప్రకటిస్తూ కలెక్టర్ స్నేహ శబరీష్ ఉత్తర్వులు జారీ చేశారు. ఈ సెలవుకు బదులుగా ఫిబ్రవరి 14వ తేదీని (రెండో శనివారం) పనిదినంగా పరిగణించనున్నట్లు ఆమె స్పష్టం చేశారు. జిల్లాలోని అన్ని పాఠశాలలు, కళాశాలల యాజమాన్యాలు ఈ ఆదేశాలను పాటించాలని కలెక్టర్ సూచించారు.
Similar News
News February 19, 2026
ములుగు: అమిత్ షా డెడ్ లైన్.. ఆపరేషన్ కర్రెగుట్టలు-2
తెలంగాణ-ఛత్తీస్గఢ్ సరిహద్దుల్లో మరోసారి అలజడి మొదలైంది. ఆపరేషన్ కర్రెగుట్టలు-2 అనే పేరుతో కేంద్ర బలగాలు అడవుల్లో కూంబింగ్ ముమ్మరం చేశాయి. మార్చి 31కి కేంద్ర హోం మంత్రి అమిత్ షా పెట్టిన డెడ్ లైన్ దగ్గర పడుతుండటంతో అడవులను జల్లెడ పడుతున్నాయి. మావోయిస్టులను కూకటి వేళ్లతో ఏరి వేయడమే లక్ష్యంగా సుమారు 5,000 మంది బలగాలు అణువణువు గాలిస్తున్నాయి.
News February 19, 2026
నిర్మల్: సర్కారు బడుల్లో 21న పీటీఎం
నిర్మల్ జిల్లాలోని అన్ని ప్రభుత్వ పాఠశాలల్లో ఫిబ్రవరి 21న తల్లిదండ్రుల సమావేశాలు (PTM) నిర్వహించాలని డీఈఓ భోజన్న గురువారం ఆదేశించారు. ప్రాథమిక పాఠశాలల్లో పిల్లలకు భాష, గణిత అంశాల్లో ఇంటి వద్ద ఎలా సహాయం చేయాలో తల్లిదండ్రులకు వివరించాలన్నారు. ప్రధానోపాధ్యాయులు తల్లిదండ్రులను అధిక సంఖ్యలో ఆహ్వానించి, నిర్ణీత అంశాలపై చర్చించి విద్యా ప్రమాణాల మెరుగుదలకు కృషి చేయాలని కోరారు.
News February 19, 2026
షాకిచ్చిన బంగారం, వెండి ధరలు
హైదరాబాద్ బులియన్ మార్కెట్లో బంగారం, వెండి ధరలు భారీగా పెరిగాయి. 24 క్యారెట్ల 10 గ్రాముల పసిడి ధర ₹2,290 పెరిగి ₹1,56,490కి చేరింది. 22 క్యారెట్ల 10 గ్రాముల బంగారం రేటు ₹2,100 ఎగబాకి ₹1,43,450 పలుకుతోంది. అటు కేజీ సిల్వర్ ధర ఏకంగా ₹10 వేలు పెరిగి ₹2,70,000గా ఉంది. ప్రాంతాలను బట్టి ధరల్లో స్వల్ప తేడాలు ఉండొచ్చు.