News January 30, 2026

111 కిలోల వెండి కవచాల అలంకరణలో ‘భద్రకాళి’

చారిత్రక భద్రకాళి అమ్మవారు సర్వాంగ వెండి కవచాల అలంకరణలో భక్తులకు దర్శనమిచ్చారు. దాత పుట్టారెడ్డి దీప్తిశ్రీ సమర్పించిన 111 కిలోల వెండి కవచం, మాంగల్యాలను అమ్మవారికి అలంకరించారు. వెండి వెలుగుల్లో మెరిసిపోతున్న అమ్మవారిని చూసి భక్తులు పరవశించిపోయారు. ఈ సందర్భంగా ఈవో సునీత, ధర్మకర్తలు దాతలకు శేషవస్త్రాలు కప్పి ప్రసాదం అందజేశారు. దాతల సహకారంతో ఆలయ వైభవం మరింత పెరిగిందని ఆలయ అధికారులు కొనియాడారు.