News April 28, 2024
చరిత్ర సృష్టించిన సీఎస్కే
టీ20ల్లో చెన్నై సూపర్ కింగ్స్ చరిత్ర సృష్టించింది. అత్యధిక సార్లు 200కుపైగా స్కోరు సాధించిన తొలి జట్టుగా వరల్డ్ రికార్డు క్రియేట్ చేసింది. ఇప్పటివరకు ఆ జట్టు 35 సార్లు 200కుపైగా స్కోర్ సాధించింది. ఎస్ఆర్‌హెచ్‌తో జరిగిన మ్యాచ్‌లో చెన్నై ఈ ఫీట్ నెలకొల్పింది. ఆ తర్వాతి స్థానాల్లో సోమర్‌సెట్ (34), ఇండియా (32), ఆర్సీబీ (31), యార్క్‌షైర్ (29), సర్రే (28) ఉన్నాయి.
Similar News
News January 5, 2025
శబరిమలకు పోటెత్తిన భక్తులు
శబరిమలకు అయ్యప్ప భక్తులు పోటెత్తారు. గడిచిన 24 గంటల్లో లక్ష మందికి పైగా దర్శనం చేసుకున్నట్లు దేవస్థానం తెలిపింది. రద్దీ పెరగడంతో అయ్యప్పస్వామి సర్వదర్శనానికి 10 గంటల సమయం పడుతోంది. స్పాట్ దర్శనానికి 20 వేల టికెట్లను ట్రస్ట్ జారీ చేసింది. పంబ నుంచి సన్నిధానం వరకు అయ్యప్ప భక్తులు భారీగా క్యూలైన్లలో వేచి ఉన్నారు. త్వరలో శబరిమలలో మకర జ్యోతి దర్శనం ఉండటంతో రానున్న రోజుల్లో భక్తుల తాకిడి పెరగనుంది.
News January 5, 2025
ఎన్టీఆర్ మూవీలో హీరోయిన్ ఫిక్స్?
ప్రశాంత్ నీల్ డైరెక్షన్‌లో ఎన్టీఆర్ నటిస్తున్న మూవీ ‘డ్రాగన్‌’(ప్రచారంలో ఉన్న పేరు)కి హీరోయిన్ ఫిక్స్ అయినట్లు తెలుస్తోంది. రుక్మిణీ వసంత్‌‌ను ఎంపిక చేసినట్లు సినీవర్గాలు చర్చించుకుంటున్నాయి. విదేశాల్లో న్యూఇయర్ సెలబ్రేషన్స్ పూర్తి చేసుకొని హైదరాబాద్ చేరుకున్న NTR ఈ మూవీ కోసం నెలాఖరున కర్ణాటక వెళ్తారని తెలుస్తోంది. అటు హృతిక్ రోషన్‌తో ఎన్టీఆర్ నటించిన వార్-2 ఆగస్టులో రిలీజ్ కానుంది.
News January 5, 2025
స్కూళ్లకు సంక్రాంతి సెలవులు.. ఎప్పుడంటే?
తెలంగాణలోని స్కూళ్లకు సంక్రాంతి సెలవులు తగ్గిస్తారనే ప్రచారం జరుగుతోంది. వాస్తవంగా అకడమిక్ క్యాలెండర్‌లో జనవరి 13 నుంచి 17 వరకు సెలవులు ఇచ్చారు. జనవరి 11న రెండో శనివారం, 12న ఆదివారం కావడంతో వరుసగా 7 రోజులు వచ్చే అవకాశం ఉంది. సెలవులపై కొంత గందరగోళం నెలకొనడంతో త్వరలోనే సెలవులపై ప్రభుత్వం అధికారిక ప్రకటన చేసే అవకాశం ఉంది. అటు ఏపీలో జనవరి 10 నుంచి 19 వరకు సెలవులు ఇవ్వనున్నారు.