News February 2, 2026

పది పబ్లిక్ పరీక్షలు ప్రశాంతంగా నిర్వహించాలి: కలెక్టర్

మార్చి 16 నుంచి ఏప్రిల్ 1 వరకు నిర్వహించనున్న పదో తరగతి పబ్లిక్ పరీక్షలను లోపాలు లేకుండా ప్రశాంత వాతావరణంలో నిర్వహించాలని బాపట్ల కలెక్టర్ డా.వి.వినోద్ కుమార్ తెలిపారు. 82 పరీక్షా కేంద్రాల్లో 15,944 మంది విద్యార్థులు పరీక్షలు రాయనున్నారన్నారు. పరీక్షల రోజున 144 సెక్షన్ అమలులో ఉంటుందన్నారు. జిరాక్స్ కేంద్రాల మూసివేత, విద్యుత్, రవాణా, వైద్య సదుపాయాలు కల్పించాలని అధికారులను ఆదేశించారు.