News February 3, 2026

దుర్గమ్మ భక్తులకు ‘రాజీ’ లేని సౌకర్యాలు: EO శీనా నాయక్

ఇంద్రకీలాద్రిపై కొలువైన శ్రీ దుర్గామల్లేశ్వరస్వామి వార్ల దర్శనానికి వచ్చే లక్షలాది మంది భక్తులకు ఎటువంటి అసౌకర్యం కలగకుండా మౌలిక సదుపాయాలను మెరుగుపరచాలని EO శీనా నాయక్ అధికారులను ఆదేశించారు. సోమవారం దేవస్థాన కార్యాలయంలో ఇంజినీరింగ్, ఐటీ, పరిపాలన, లీజు విభాగాల అధికారులతో ఆయన సమీక్ష చేశారు. భక్తుల క్యూలైన్ల నిర్వహణ, దర్శన సమయాల క్రమబద్ధీకరణలో సాంకేతికతను జోడించాలని, పనుల నాణ్యతలో రాజీ పడకూడదన్నారు.