News February 12, 2026
కరీంనగర్: కౌంటింగ్ కేంద్రం వద్ద ట్రాఫిక్ ఆంక్షలు
కరీంనగర్ మున్సిపల్ కార్పొరేషన్ ఎన్నికల కౌంటింగ్ నేపథ్యంలో కేంద్రం వద్ద ట్రాఫిక్ ఆంక్షలు విధిస్తున్నట్లు సీపీ గౌష్ ఆలం తెలిపారు. జగిత్యాల-కరీంనగర్ మార్గంలో వాహనాలను దారి మళ్లించామన్నారు. కౌంటింగ్ సిబ్బంది, అధికారుల వాహనాల కోసం నిర్ణీత దూరంలో ప్రత్యేక పార్కింగ్ స్థలాలు కేటాయించారు. రోడ్లపై ఎక్కడపడితే అక్కడ వాహనాలు నిలిపితే కఠిన చర్యలు తీసుకుంటామని సీపీ హెచ్చరించారు.
Similar News
News April 16, 2026
భర్త మరణం తట్టుకోలేక.. భార్య కన్నుమూత
కృష్ణాజిల్లా గూడూరు మండలంలో విషాదం చోటుచేసుకుంది. కప్పలదొడ్డికి చెందిన తిరుమలశెట్టి వీర రాఘవరావు (66) అనారోగ్యంతో బుధవారం మధ్యాహ్నం మృతి చెందారు. భర్త మరణాన్ని తట్టుకోలేక భార్య పద్మావతి (61) కొద్దిసేపటికే స్పృహ కోల్పోయారు. ఆసుపత్రికి తరలించే క్రమంలో ఆమె కూడా ప్రాణాలు విడిచారు. గంటల వ్యవధిలోనే దంపతులు మృతి చెందడంతో గ్రామంలో విషాద ఛాయలు అలుముకున్నాయి.
News April 16, 2026
HYD, RR జిల్లాలో చనిపోయిన వారికి రేషన్ బియ్యం
ఉమ్మడి HYD, RR జిల్లాల్లో మరణించిన వ్యక్తుల పేర్లపైనా బియ్యం సరఫరా అవుతుండం తీవ్ర విమర్శలకు దారితీస్తోంది. CAG ఇటీవల హెచ్చరిక జారీ చేస్తూ, పన్నులు చెల్లించే వారు, అధిక భూములు కలిగినవారు లబ్ధి పొందుతున్నారని వెల్లడించింది. చనిపోయిన వారి పేర్ల మీద సైతం రేషన్ బియ్యం పంపిణీ జరుగుతున్నట్లుగా తెల్చింది. అర్హతలేని వారికి రేషన్ అందుతుండటంపై అధికారులు చర్యలు తీసుకోవాల్సిన అవసరం ఉందని నిపుణుల మాట.
News April 16, 2026
ప.గో: సహాయం చేయండి.. బహుమతి పొందండి
రోడ్డు ప్రమాద బాధితులను ఆదుకునే ‘పీఎం-రాహత్’ పథకంపై అవగాహన పెంచుకోవాలని కలెక్టర్ చదలవాడ నాగరాణి సూచించారు. గాయపడిన వారికి రూ. 1.50 లక్షల వరకు ఉచిత వైద్యం అందుతుందని బుధవారం తెలిపారు. బాధితులను సకాలంలో ఆసుపత్రికి చేర్చే వారికి రూ.25 వేల నగదు పురస్కారం అందజేస్తామన్నారు. విలువైన ప్రాణాలు కాపాడేందుకు ప్రతి ఒక్కరూ బాధ్యతగా స్పందించాలని ఆమె పిలుపునిచ్చారు.