News February 12, 2026
కృష్ణా: పన్నుల కలెక్షన్లో వెరీ పూర్..!
గ్రామ పంచాయతీ పన్నుల వసూళ్లలో NTR, కృష్ణా జిల్లాలు వెనుకబడ్డాయి. NTR జిల్లా 34% వసూళ్లతో రాష్ట్రంలో 19వ స్థానంలో ఉండగా, కృష్ణా జిల్లా 41%తో 12వ స్థానంలో నిలిచింది. రెడ్డిగూడెం, గంపలగూడెం వంటి మండలాల్లో వసూళ్లు మరీ దారుణంగా ఉన్నాయి. డిజిటల్ చెల్లింపులు అందుబాటులోకి వచ్చినా ప్రజలు ఆసక్తి చూపడం లేదు. ఫలితంగా గ్రామాల్లో మౌలిక వసతుల కల్పనకు నిధుల కొరత ఏర్పడి అభివృద్ధి కుంటుపడుతోంది.
Similar News
News February 17, 2026
మెన్స్ట్రువల్ కప్ ఎలా ఎంచుకోవాలంటే?
పీరియడ్స్లో నాణ్యత లేని ప్యాడ్స్ వాడటం వల్ల దురద, రాషెస్ వస్తాయి. వీటికి బదులు మెన్స్ట్రువల్ కప్ వాడాలని నిపుణులు సూచిస్తున్నారు. సిలికాన్తో తయారయ్యే దీన్ని 10-12 గంటల వరకు వాడొచ్చంటున్నారు. నాప్కిన్స్, టాంపూన్స్ కంటే ఎక్కువ బ్లడ్ హోల్డ్ చేస్తుంది. ఒక్కసారి కొంటే పదేళ్ల వరకు వాడొచ్చు. కొనేముందు వయసు, సర్విక్ లెంగ్త్, పీరియడ్ ఫ్లో, ఫ్లెక్సిబిలిటీ, డెలివరీ టైప్ వంటివి దృష్టిలో పెట్టుకోవాలి.
News February 17, 2026
కనులవిందుగా భద్రాద్రి రామయ్య నిత్య కళ్యాణం
భద్రాద్రి రామయ్య నిత్య కళ్యాణ వేడుకను మంగళవారం అత్యంత వైభవంగా నిర్వహించారు. తెల్లవారుజామున గర్భగుడిలో స్వామివారికి సుప్రభాత సేవ, సేవా కాలం, ఆరాధన తదితర పూజలు చేశారు. అనంతరం మేళతాళాల నడుమ స్వామివారిని గర్భగుడి నుంచి ఊరేగింపుగా బేడ మండపంలో కొలువు తీర్చారు. అనంతరం విశ్వక్సేన పూజ, పుణ్య వాచనం అనంతరం కంకణధారణ, యజ్ఞోపవీత ధారణ , అమ్మవారికి కంకణ ధారణ గావించి నిత్య కళ్యాణ వేడుకను అర్చకులు జరిపారు.
News February 17, 2026
తొర్రూరు మున్సిపాలిటీ ఛైర్మన్, వైస్ ఛైర్మన్ వీరే..!
తొర్రూరు మున్సిపాలిటీ ఛైర్మన్, వైస్ ఛైర్మన్గా తూనం శ్రవణ్, సోమ రజని ఎన్నికైన విషయం తెలిసిందే. శ్రవణ్ తల్లి గతంలో రెండవ వార్డు కౌన్సిలర్గా సేవలందించగా, శ్రావణ్ ప్రస్తుతం అదే వార్డు నుంచి పోటీ చేసి ఛైర్మన్ పదవిని దక్కించుకున్నారు. వైస్ ఛైర్మన్గా ఎన్నికైన సోమ రజిని డిగ్రీ కళాశాలలో కంప్యూటర్ లెక్చరర్గా విధులు నిర్వహిస్తున్నారు. కాగా, ఇరువురిని అదృష్టం డ్రా పద్ధతిలో వరించింది.