News February 13, 2026

హోంమంత్రి అనిత పీఏలపై మళ్లీ వివాదం

హోంమంత్రి అనిత పీఏల వ్యవహారం మరోసారి చర్చనీయాంశంగా మారింది. ఆమె మంత్రి పదవి చేపట్టిన వెంటనే జగదీష్ అనే పీఏపై అవినీతి ఆరోపణలు రావడంతో ఆయనను పక్కన పెట్టారు. ప్రస్తుత పీఏ గణేష్‌పై కూడా అక్రమ వసూళ్ల ఆరోపణలు రావడం కలకలం రేపుతోంది. పశువులను తరలించే వాహనాల నుంచి డబ్బులు వసూలు చేస్తున్నారన్న కథనాలు SMలో వైరల్ కావడంతో ఆమె స్పందించారు. ఆరోపణలపై విచారణ చేసి నివేదిక ఇవ్వాలని పోలీసులను ఆదేశించారు.