News February 13, 2026
BREAKING: ఇంద్రేశం, ఇస్నాపూర్లో హంగ్
సంగారెడ్డి జిల్లా ఇంద్రేశం, ఇస్నాపూర్ మున్సిపాలిటీలో హంగ్ ఏర్పడింది. ఇంద్రేశంలో 18 వార్డుల్లో BRS 9, కాంగ్రెస్ 6, BJP 2, ఇతరులు 1 వార్డులో గెలిచారు. ఇస్నాపూర్లో 26 వార్డులకు గాను BRS 12, కాంగ్రెస్ 10, ఇండిపెండెంట్-4 వార్డుల్లో గెలిచాయి. రెండు చోట్ల మ్యాజిక్ ఫిగర్ దాటకపోవడంతో హంగ్ నెలకొంది. దీంతో పీఠం ఎవరికి దక్కుతుందోనన్న ఆసక్తిగా నెలకొంది.
Similar News
News February 20, 2026
GREAT: ఓటమి నుంచి ప్రపంచ రికార్డుల వరకు!
మిస్టర్ బీస్ట్ తన యూట్యూబ్ ప్రస్థానాన్ని ప్రారంభించి 14 ఏళ్లు పూర్తయ్యాయి. ఈ సందర్భంగా ఆయన యువతలో స్ఫూర్తి నింపే పోస్ట్ చేశారు. మొదట్లో ఎవరూ తన వీడియోలు చూడలేదని, అందరూ తనను హేళన చేస్తూ సమయం వృథా అని విమర్శించారని గుర్తుచేసుకున్నారు. అయినప్పటికీ పట్టుదలతో శ్రమించి 468M సబ్స్క్రైబర్లతో Mr Beast ప్రపంచంలోనే టాప్ యూట్యూబర్గా ఎదిగారు. ఇప్పటివరకు ఆ ఛానల్కు 11వేల కోట్ల వ్యూస్ రావడం విశేషం.
News February 20, 2026
చిక్కు తీసిన వెంట్రుకలను ఎక్కడ పడేస్తున్నారు?
తల దువ్వుకున్నాక రాలిన వెంట్రుకలను కొందరు ఇంటి మూలల్లో పారేస్తుంటారు. ఇలా చేయడం అస్సలు మంచిది కాదంటున్నారు పండితులు. దీనివల్ల ప్రతికూల శక్తి పేరుకుపోతుందని చెబుతున్నారు. ‘వెంట్రుకలు త్వరగా కుళ్లిపోవు. ఇవి గాలికి ఎగిరి మళ్లీ ఇంట్లోకే రావొచ్చు. ఆహార పదార్థాలలో పడొచ్చు. దీనివల్ల ఆరోగ్య సమస్యలు తలెత్తుతాయి. వీటిని ఇంటికి బయట దూరంగా పడేయాలి. ఇలా చేస్తే రాహు దోషం తగ్గుతుంది’ అని చెబుతున్నారు.
News February 20, 2026
జన్నారం: కిష్టాపూర్ చెరువు వద్ద పక్షుల కిలకిలారావాలు
జన్నారం మండలం కిష్టాపూర్ శివారులోని పెద్ద చెరువు పక్షుల ప్రేమికులను ఆకట్టుకుంటోంది. అటవీ ప్రాంతానికి సమీపంలో ఉండటంతో ఓరియంటల్ వైట్ ఇబ్బిస్, కామన్ కూట్ వంటి స్వదేశీ, విదేశీ పక్షులు ఇక్కడ సందడి చేస్తున్నాయి. ఆహారం, నీరు సమృద్ధిగా లభించడంతో ఈ ప్రాంతం పక్షుల ఆవాసంగా మారిందని అటవీ అధికారులు వెల్లడించారు. పక్షుల కిలకిలారావాలతో చెరువు పరిసరాలు ఎంతో ఆహ్లాదకరంగా కనిపిస్తున్నాయి.