News February 13, 2026
గద్వాల్: అప్పుడు సర్పంచ్.. ఇప్పుడు కౌన్సిలర్..!
అలంపూర్ మున్సిపాలిటీ 2019కి ముందు మేజర్ గ్రామపంచాయతీగా ఉండేది. అలంపూర్ చివరి గ్రామపంచాయతీ సర్పంచ్ ఎన్నికల్లో కాంగ్రెస్ అభ్యర్థి జయరాములు గెలిచి గ్రామానికి చివరి సర్పంచ్గా సేవలందించారు. ఇటీవల జరిగిన 2026 పురపాలిక ఎన్నికల్లో జయరాములు మరోసారి బీఆర్ఎస్ పార్టీ నుంచి పోటీ చేసి 6వ వార్డ్ కౌన్సిలర్గా గెలిచారు. దీంతో సర్పంచ్గా కౌన్సిలర్గా పనిచేస్తున్న ఏకైక వ్యక్తిగా నిలిచారు.
Similar News
News April 19, 2026
కరీంనగర్: ప్రశాంతంగా మోడల్ స్కూల్ ప్రవేశ పరీక్ష
కరీంనగర్ జిల్లాలోని 11 తెలంగాణ ఆదర్శ పాఠశాలల్లో 6వ తరగతి ప్రవేశానికి ఆదివారం నిర్వహించిన పరీక్ష ప్రశాంతంగా ముగిసింది. మొత్తం 1,444 మంది దరఖాస్తు చేసుకోగా, 1,263 మంది పరీక్షకు హాజరయ్యారు. 181 మంది గైర్హాజరయ్యారు. కొత్తపల్లి మండలం ఎలగందుల పాఠశాలలోని పరీక్షా కేంద్రాన్ని జిల్లా విద్యాశాఖాధికారి అశ్వని తానాజీ వాకడే తనిఖీ చేశారు. విద్యార్థులకు అన్ని వసతులు కల్పించినట్లు ఆమె తెలిపారు.
News April 19, 2026
విజయవాడ: APSSDC ఆధ్వర్యంలో కంపెనీ స్పెసిఫిక్ జాబ్ డ్రైవ్!
విజయవాడలోని KP నగర్-లోహియా టవర్స్లో ఉన్న క్యాంపస్2కెరీర్ కార్యాలయంలో ఈ నెల 22న కంపెనీ స్పెసిఫిక్ జాబ్ డ్రైవ్ నిర్వహించనున్నట్లు APSSDC అధికారులు తెలిపారు. బీటెక్, డిగ్రీ, పీజీ చదివిన 21-35 ఏళ్లలోపు అభ్యర్థులు జాబ్ డ్రైవ్కు హాజరుకావొచ్చని.. ఎంపికైన వారికి నెలకు రూ.15-30వేల వేతనం ఉంటుందన్నారు. అకడమిక్ అడ్వైజర్, టీం లీడర్ (50) ఉద్యోగాలను భర్తీ చేస్తామని సంబంధిత అధికారులు తెలిపారు.
News April 19, 2026
అక్షయ తృతీయ.. ప్రకాశంలో బంగారం ధరలు ఇలా..?
అక్షయ తృతీయ కావడంతో ఉమ్మడి ప్రకాశం జిల్లాలో బంగారు దుకాణాలు కళకళలాడుతున్నాయి. పసిడి ధరలు అంతకంతకూ పెరిగిపోతున్నా.. కొనుగోలుదారులు ఆసక్తి చూపుతున్నారు. ఉమ్మడి ప్రకాశం జిల్లాలో ఆదివారం 24 క్యారెట్ల తులం(10 గ్రాములు) బంగారం ధర రూ.1,54,100గా ఉంది. 22 క్యారెట్ల తులం రూ.1,42,500 పలుకుతోంది.