News February 13, 2026
చిన్నకోడూర్ మండలంలో పెద్దపులి సంచారం !
కోహెడ మండలంలో ఇటీవల పశువుల పై పెద్దపులి దాడి చేసిన విషయం తెలిసిందే. కాగా శుక్రవారం చిన్నకోడూర్ మండలం చౌడారం గ్రామ శివారులోని అటవీ ప్రాంతంలో పెద్దపులి సంచరిస్తుందనే సమాచారంతో ఫారెస్ట్ అధికారులు అక్కడికి చేరుకొని పులి పాద ముద్రలను నిర్ధారించారు. పులి ఆచూకీ కోసం ట్రాప్ కెమెరాలు ఏర్పాటు చేశారు. చుట్టు పక్కల గ్రామాల ప్రజలు అప్రమత్తంగా ఉండాలని ఫారెస్ట్ అధికారులు సూచించారు.
Similar News
News April 19, 2026
ఓదెల మల్లన్న ఆలయంలో భక్తుల సందడి
పెద్దపల్లి జిల్లా ఓదెల భ్రమరాంబ మల్లికార్జునస్వామి ఆలయంలో ఆదివారం భక్తులతో సందడి వాతావరణం నెలకొంది. ఈ సందర్భంగా భక్తులు పెద్ద సంఖ్యలో తరలివచ్చి స్వామివారికి బోనాలు, పట్నాలు వేసి మొక్కులు చెల్లించుకున్నారు. అనంతరం ఆలయంలోని మదన పోచమ్మ తల్లిని దర్శించుకున్నారు. అటు ఎండ తీవ్రత భారీగా పెరగడంతో ఆలయ చుట్టూ తడకలు వేసి చల్లని వాతావరణాన్ని ఆలయ అధికారులు ఏర్పాటు చేశారు.
News April 19, 2026
జమ్మికుంట మార్కెట్ రేపు పున: ప్రారంభం
జమ్మికుంట వ్యవసాయ మార్కెట్ 3 రోజుల సెలవుల అనంతరం సోమవారం పునః ప్రారంభం కానుంది. శుక్రవారం అమావాస్య సందర్భంగా సెలవు, నిన్న, నేడు సాధారణ సెలవులు కావడంతో మార్కెట్ మూసి ఉంది. దీంతో రేపు మార్కెట్ ప్రారంభం కానుండగా.. రైతులు నాణ్యమైన సరకులను తీసుకొచ్చి సరసమైన ధరలు పొందాలని అధికారులు సూచించారు. ఉదయం 9 గంటలలోపు మాత్రమే పత్తిని యార్డులోకి అధికారులు అనుమతించనున్నట్లు పేర్కొన్నారు.
News April 19, 2026
ఎన్టీఆర్: APCRDA అడిషనల్ కమిషనర్గా ధాత్రీ రెడ్డి.. నేపథ్యమిదే!
APCRDA అడిషనల్ కమిషనర్గా పెద్దిటి ధాత్రి రెడ్డిని నియమిస్తూ గత రాత్రి సిఎస్ జి. సాయిప్రసాద్ ఉత్తర్వులు విడుదల చేశారు. తెలంగాణ వాసి అయిన ఆమె 2020 IAS బ్యాచ్కు చెందినవారు కాగా ఏలూరు SP ప్రతాప్ శివకిశోర్(IPS)ను వివాహం చేసుకున్నారు. గతంలో పాడేరు సబ్ కలెక్టర్గా పనిచేసిన ధాత్రి రెడ్డి ప్రస్తుతం రతన్ టాటా ఇన్నోవేషన్ హబ్ (RTIH) CEOగా పనిచేస్తున్నారు. తాజాగా APCRDA అడిషనల్ కమిషనర్గా నియమితులయ్యారు.