News February 14, 2026
వరంగల్ కమిషనరేట్ పరిధిలో కానిస్టేబుళ్ల బదిలీలు
వరంగల్ కమిషనరేట్ పరిధిలో సుదీర్ఘ కాలంగా ఒకే చోట విధులు నిర్వహిస్తున్న కానిస్టేబుళ్లను బదిలీ చేస్తూ సీపీ సన్ప్రీత్ సింగ్ ఉత్తర్వులు జారీ చేశారు. వివిధ పోలీస్ స్టేషన్లు, విభాగాల్లో పనిచేస్తున్న మహిళా కానిస్టేబుళ్లతో పాటు మొత్తం 59 మందిని ఇతర ప్రాంతాలకు మార్చారు. పరిపాలనా సౌలభ్యం కోసమే ఈ బదిలీలు చేపట్టినట్లు పేర్కొన్నారు. బదిలీ అయిన వారు తక్షణమే కొత్త ప్రాంతాల్లో విధుల్లో చేరాలని ఆదేశించారు.
Similar News
News April 18, 2026
బీజేపీ నుంచే అత్యల్పంగా మహిళా ఎంపీలు: మహువా
మహిళా రిజర్వేషన్ సవరణ బిల్లు వీగిపోవడంతో విపక్షాలపై PM మోదీ సహా BJP నేతలు చేస్తున్న విమర్శలకు TMC MP మహువా మొయిత్రా Xలో కౌంటరిచ్చారు. లోక్సభలో BJP నుంచే అత్యల్పంగా మహిళా MPలు(240 మందిలో 31 మంది.. 12.90%) ఉన్నారని గుర్తు చేశారు. తమ పార్టీ నుంచి గెలిచిన 29 మంది MPల్లో 11 మంది మహిళలు(37.90%) అని పేర్కొన్నారు. ఇప్పుడున్న 543 సీట్లకు ఉమెన్ రిజర్వేషన్ అమలు చేయకుండా ఎవరు ఆపుతున్నారని ప్రశ్నించారు.
News April 18, 2026
విధుల పట్ల అంకితభావంతో ఉండాలి: ADB SP
పోలీసు సిబ్బంది అంకితభావం, నిజాయితీతో విధులు నిర్వహించాలని SP అఖిల్ మహాజన్ ఆదేశించారు. శనివారం సెట్ కాన్ఫరెన్స్ ద్వారా సిబ్బందికి మార్గదర్శనం చేశారు. యూనిఫామ్ తప్పనిసరిగా ధరించాలని, ఎండాకాలం దృష్ట్యా ఆరోగ్య జాగ్రత్తలు పాటించాలని సూచించారు. అరైవ్ అలైవ్ కృషిని అభినందిస్తూ.. రికార్డుల నవీకరణ, బాధితులతో మర్యాదపూర్వక ప్రవర్తన ఉండాలన్నారు. అసాంఘిక కార్యకలాపాలపై కఠినంగా వ్యవహరించాలని స్పష్టం చేశారు.
News April 18, 2026
ముండూరులో భూగర్భ జలమట్టాలను పరిశీలించిన కలెక్టర్
ముండూరులో శనివారం కలెక్టర్ కె.వెట్రిసెల్వి పర్యటించారు. అక్కడ ఏర్పాటు చేసిన రెండు ఫిజియో మీటర్ల ద్వారా భూగర్భ జలమట్టాలను టెలిమీటరీ విధానంలో ఆమె స్వయంగా పరిశీలించారు. కలెక్టర్ మాట్లాడుతూ.. జిల్లావ్యాప్తంగా 72 పిజోమీటర్ల ద్వారా భూగర్భ జలాలను ఎప్పటికప్పుడు పర్యవేక్షిస్తున్నామని తెలిపారు. మార్చి నెలలో జిల్లా సగటు నీటిమట్టం 21.23 మీటర్లు ఉండగా, ముండూరులో ప్రస్తుతం 23.38 మీటర్లుగా నమోదైందని వివరించారు.