News May 1, 2024
గుడివాడ: ట్రాఫిక్ కానిస్టేబుల్ పై లారీ క్లీనర్ రాయి దాడి
గుడివాడ తాలూకా పోలీస్ స్టేషన్‌కు చెందిన గోళ్ళ రవికుమార్ అనే కానిస్టేబుల్ భీమవరం రైల్వే గేట్ సమీపంలోని పెట్రోల్ బంకు వద్ద విధులు నిర్వహిస్తున్నాడు. రాంగ్ రూట్‌లో పట్టణంలోకి ప్రవేశిస్తున్న లారీని కానిస్టేబుల్ నిలువరించగా.. లారీలో ఉన్న బిహార్‌కు చెందిన క్లీనర్ బిశ్వాస్ రాయి తీసుకుని కానిస్టేబుల్ తలపై కొట్టడంతో అతను తీవ్ర గాయాల పాలయ్యాడు. క్షతగాత్రుణ్ని ప్రభుత్వ ఆసుపత్రిలో చేర్చారు.
Similar News
News September 11, 2025
కృష్ణా: ఒకేసారి 15 మందికి గవర్నమెంట్ జాబ్స్
కోడూరు మండలం జరుగువానిపాలెం గ్రామం ఆదర్శంగా నిలిచింది. చిన్న పల్లెటూరు నుంచి ఒకేసారి 15 మంది విద్యార్థులు ప్రభుత్వ ఉద్యోగాలకు ఎంపికయ్యారు. వారిలో 8 మంది అమ్మాయిలు, 7 మంది అబ్బాయిలు. ఇటీవల విడుదలైన డీఎస్సీ, పోలీస్ రిక్రూట్‌మెంట్‌లో వీరు అర్హత సాధించారు. 11 టీచర్ పోస్టులు, 3 పోలీస్ ఉద్యోగాలు, ఒకరు సేల్స్ ట్యాక్స్‌లో నియామకం పొందారు.
News September 11, 2025
గరికపాడులో జిల్లా జూడో జట్ల ఎంపిక
తోట్లవల్లూరు మండలం గరికపాడు ప్రభుత్వ పాఠశాలలో అండర్-14, 17 జూడో జట్ల ఎంపికలు ఘనంగా జరిగాయి. కృష్ణా, ఎన్టీఆర్ జిల్లా క్రీడా సమాఖ్య ఆధ్వర్యంలో ఈ ఎంపికలు నిర్వహించినట్లు జిల్లా పాఠశాల క్రీడా సమాఖ్య కార్యదర్శులు దుర్గారావు, శ్రీలత తెలిపారు. రాష్ట్రస్థాయి పోటీలలో ఉత్తమ ప్రతిభ కనబరిచి జిల్లాకు కీర్తి తీసుకురావాలని వారు క్రీడాకారులను కోరారు.
News September 11, 2025
మచిలీపట్నం-విజయవాడ రహదారిపై ప్రమాదం.. స్పాట్ డెడ్
మచిలీపట్నం-విజయవాడ జాతీయ రహదారిపై గురువారం ప్రమాదం జరిగింది. కారు, బైక్ ఢీకొనడంతో ఒక వ్యక్తి అక్కడికక్కడే మరణించగా, మరొకరు తీవ్రంగా గాయపడ్డారు. గాయపడిన వ్యక్తిని వెంటనే 108 అంబులెన్స్‌లో మచిలీపట్నం ప్రభుత్వాసుపత్రికి తరలించారు. మృతుడి వివరాలు తెలియాల్సి ఉంది.