News February 14, 2026
సంగారెడ్డి: మున్సిపల్ ఛైర్మన్, వైస్ ఛైర్మన్ అభ్యర్థుల ప్రకటన
సంగారెడ్డి మున్సిపల్ ఛైర్మన్, వైస్ ఛైర్మన్ అభ్యర్థులను టీపీసీసీ వర్కింగ్ ప్రెసిడెంట్ జగ్గారెడ్డి శనివారం ప్రకటించారు. ఛైర్మన్ అభ్యర్థిగా 23వ వార్డు కౌన్సిలర్ కూన వనితను, వైస్ ఛైర్మన్ అభ్యర్థిగా 24వ వార్డు కౌన్సిలర్ షేక్ షఫీయొద్దీన్ను ఎంపిక చేసినట్లు ఆయన వెల్లడించారు. ఈ నెల 16న జరిగే ఎన్నికల్లో వీరిని ఎన్నుకోవాలని పార్టీ శ్రేణులకు సూచించారు. దీంతో సంగారెడ్డి మున్సిపల్ పీఠంపై ఉత్కంఠకు తెరపడింది.
Similar News
News February 19, 2026
ఈనెల 20న గద్వాలలో జాబ్ మేళా..!
గద్వాల జిల్లాలోని నిరుద్యోగ యువతకు వివిధ కంపెనీల్లో శిక్షణ, ఉపాధి కల్పించేందుకు జిల్లా ఉపాధి కల్పన శాఖ ఆధ్వర్యంలో ఈనెల 20న జాబ్ మేళా నిర్వహిస్తున్నట్లు జిల్లా ఉపాధి కల్పన అధికారి ఎన్. శ్రీ చరణ్ దీప్ బుధవారం ప్రకటనలో పేర్కొన్నారు. కలెక్టరేట్లోని ఎఫ్ 30/1 లో ఉదయం 11:00 గంటలకు జరిగే జాబ్ మేళాకు 18 నుంచి 35 సంవత్సరాల వయసు ఉండి ఎస్ఎస్సీ, ఇంటర్, డిగ్రీ చదివిన వారు హాజరు కావాలన్నారు.
News February 19, 2026
HYD: TG FSLలో జాబ్స్.. పరీక్షల తేదీలివే..!
TG ఫోరెన్సిక్ సైన్స్ ల్యాబ్లో ఖాళీ పోస్టుల భర్తీకి రాత పరీక్షల తేదీలను తెలంగాణ స్టేట్ లెవెల్ పోలీస్ రిక్రూట్మెంట్ బోర్డు ప్రకటించింది. మార్చి 5, 6, 7 తేదీలలో మేడ్చల్ పోలీస్ ట్రైనింగ్ సెంటర్లో పరీక్షలు నిర్వహించనున్నట్లు బోర్డు ఛైర్మన్ శ్రీనివాసరావు తెలిపారు. పరీక్షకు ఎంపికైన అభ్యర్థుల వివరాలు అధికారిక వెబ్సైట్లో అందుబాటులో ఉన్నాయని ఆయన వెల్లడించారు.
News February 19, 2026
మామిడి కాయలకు ‘ఫ్రూట్ కవర్స్’తో లాభం
వాతావరణ పరిస్థితులు, పురుగులు, పండు ఈగ, ఇతర కీటకాల వల్ల మామిడి పంటకు నష్టం ఎక్కువగా ఉంటుంది. అందుకే నిమ్మ లేదా కోడి గుడ్డు సైజుకు మామిడి కాయ వచ్చాక ‘ఫ్రూట్ కవర్స్’ కట్టాలి. దీని వల్ల చెట్టుపై రసాయనాలు పిచికారీ చేసినా అవి పండుపై పడవు. అలాగే కవర్ కట్టిన కాయపై ఎలాంటి మచ్చలు, చీడపీడల లక్షణాలు కనిపించవు. ఇతర కాయల కంటే ఎక్కువ బరువు పెరిగి మంచి ధర పలుకుతాయి. ఈ కవర్స్ వాటర్ ప్రూఫ్. నీరు పడినా ఏమీ కావు.