News February 14, 2026
సోమేశ్వరాలయ బ్రహ్మోత్సవాలకు ముస్తాబు
మహాశివరాత్రి బ్రహ్మోత్సవాల నేపథ్యంలో పాలకుర్తి సోమేశ్వరాలయం విద్యుత్ దీపాలంకరణతో దేదీప్యమానంగా మెరుస్తోంది. ఆలయ ప్రాంగణం నుంచి రాజీవ్ చౌరస్తా, గుడివాడ చౌరస్తా వరకు మాడ వీధులను రంగురంగుల లైట్లతో సుందరంగా తీర్చిదిద్దారు. ఈ సరికొత్త వెలుగులతో పాలకుర్తి ఆధ్యాత్మిక శోభను సంతరించుకుంది. ఆలయ పరిసరాలు, కొండ ప్రాంతం కాంతులీనుతూ భక్తులకు కనువిందు చేస్తున్నాయి. వేడుకలకు అధికారులు ఏర్పాట్లు పూర్తి చేశారు.
Similar News
News February 18, 2026
ఈశాన్య మూలలో వాస్తు దోషం ఉంటే?
ఈశాన్యం లోపిస్తే అభివృద్ధి కుంటుపడుతుందని వాస్తు నిపుణులు కృష్ణాదిశేషు చెబుతున్నారు. ‘జ్ఞాన సముపార్జనలో ఆటంకాలు ఏర్పడతాయి. నిర్ణయాలు తీసుకునే సామర్థ్యం దెబ్బతింటుంది. ఇలాంటి స్థలంలో ఉంటే సమాజానికి, బంధువులకు దూరంగా ఒంటరిగా మిగిలిపోయే ప్రమాదం ఉంది. లభించాల్సిన అవకాశాలు చేజారిపోతాయి. ఈశాన్య విషయంలో ఏమాత్రం అశ్రద్ధ చేయకూడదు. నిపుణుల సలహాతో సరైన మార్పులు చేసుకోవాలి’ అని సూచిస్తున్నారు. <<-se>>#Vasthu<<>>
News February 18, 2026
నిజామాబాద్ జిల్లా కలెక్టర్ ఆదేశాలు
నందిపేట్ మండల కేంద్రంలో నిర్మిస్తోన్న భవిత సెంటర్ను నిజామాబాద్ జిల్లా కలెక్టర్ ఇలా త్రిపాఠి బుధవారం సందర్శించారు. పనులను వేగంగా, నాణ్యతతో జరిగేలా పకడ్బందీ పర్యవేక్షణ చేయాలని ఇంజినీరింగ్ విభాగం అధికారులను ఆదేశించారు. చిన్నారులకు అన్ని సదుపాయాలు అందుబాటులో ఉండేలా చర్యలు తీసుకోవాలని సూచించారు. ర్యాంపు వంటి వసతులు తప్పనిసరిగా ఉండాలన్నారు.
News February 18, 2026
రాష్ట్రస్థాయి క్రీడల్లో ఆదిలాబాద్ చిన్నారుల ప్రభంజనం
రాష్ట్ర ప్రభుత్వం తొలిసారిగా నిర్వహించిన రాష్ట్రస్థాయి ప్రత్యేక అవసరాలు గల పిల్లల ఆటల పోటీల్లో ఆదిలాబాద్ జిల్లా విద్యార్థులు అద్భుత ప్రతిభ కనబరిచి, ఓవరాల్ ఛాంపియన్షిప్ను కైవసం చేసుకోవడం జిల్లాకు గర్వకారణమని జిల్లా కలెక్టర్ రాజర్షి షా అన్నారు. ఈ పోటీల కోసం జిల్లా నుంచి 26 మంది విద్యార్థులు హైదరాబాద్కు వెళ్లగా, వారు పాల్గొన్న దాదాపు అన్ని విభాగాల్లోనూ సత్తా చాటారు. వారిని కలెక్టర్ అభినందించారు.