News May 1, 2024
బీజేపీకి ఓటేయడం మేలన్న కాంగ్రెస్ నేత!
ఇండియా కూటమిలో భాగస్వామ్యులైన కాంగ్రెస్, టీఎంసీ.. ప.బెంగాల్లో మాత్రం ప్రత్యర్థులై విమర్శలకు దిగుతున్నాయి. కాంగ్రెస్ సీనియర్ నేత అధీర్ రంజన్ చేసిన వ్యాఖ్యలే ఇందుకు ఆజ్యం పోశాయి. TMCకి ఓటేయడం కంటే BJPకి వేయడం మేలని ఆయన అన్నారు. దీంతో బీజేపీకి కాంగ్రెస్ రాష్ట్ర నేతలు బీటీమ్గా పని చేస్తున్నారని టీఎంసీ దుయ్యబట్టింది. ఈ వ్యవహారాన్ని చల్లబర్చేందుకు TMC తమ మిత్రపక్షమంటూ కాంగ్రెస్ సర్దిచెప్పుకుంటోంది.
Similar News
News February 1, 2026
ఉద్యోగాలు లేవు.. రైతులకు ఊరట లేదు: రాహుల్ గాంధీ
కేంద్ర బడ్జెట్-2026పై ప్రతిపక్ష నేత రాహుల్ గాంధీ X వేదికగా మండిపడ్డారు. దేశం ఎదుర్కొంటున్న సమస్యలను ఈ బడ్జెట్ పట్టించుకోలేదని రాసుకొచ్చారు. ‘యువతకు ఉద్యోగాలు లేవు. తయారీ రంగం కుదేలైంది. పెట్టుబడిదారులు వెనక్కి తగ్గుతున్నారు. సామాన్యుల పొదుపు తగ్గిపోతోంది. రైతులు తీవ్ర కష్టాల్లో ఉన్నారు’ అని ఆరోపించారు. సంక్షోభాలను పరిష్కరించే దిశగా బడ్జెట్లో ఎలాంటి ప్రయత్నం చేయలేదని రాహుల్ ఆగ్రహం వ్యక్తం చేశారు.
News February 1, 2026
అల్కరాజ్ అద్భుతం.. హిస్టరీ క్రియేట్ చేసిన యంగ్ స్టార్!
ఆస్ట్రేలియన్ ఓపెన్ 2026 ఫైనల్లో వరల్డ్ నంబర్ వన్ కార్లోస్ అల్కరాజ్ హిస్టారిక్ విక్టరీ సాధించారు. 10 సార్లు ఛాంపియన్గా నిలిచిన జకోవిచ్ను 2-6, 6-2, 6-3, 7-5 తేడాతో ఓడించి తన కెరీర్లో తొలి ఆస్ట్రేలియన్ టైటిల్ను ముద్దాడారు. తొలి సెట్ ఓడిపోయినా పట్టుదలగా పుంజుకుని జకోవిచ్ను మట్టికరిపించారు. ఈ గెలుపుతో కెరీర్ గ్రాండ్ స్లామ్ పూర్తి చేసిన అతి పిన్న వయస్కుడిగా అల్కరాజ్ రికార్డు సృష్టించారు.
News February 1, 2026
‘పంచభక్ష్య పరమాన్నాలు’ అంటే తెలుసా?
మంచి భోజనాన్ని మన పెద్దలు ‘పంచభక్ష్య పరమాన్నాలు’ అని పిలుస్తుంటారు. దీని అర్థం మనం తినే పదార్థాలు ఐదు రకాలుగా ఉంటాయని శాస్త్రం చెబుతోంది.
భక్ష్యం: గారెలు, బూరెలు వంటి కొరికి తినే పదార్థాలు.
భోజ్యం: పులిహోర, దద్ధోజనం వంటి నమిలి తినేవి.
చోష్యం: పాయసం, చారు వంటి జుర్రుకునేవి.
లేహ్యం: తేనె, చలివిడి వంటి నాకబడేవి.
పానీయం: నీళ్లు, పండ్ల రసం వంటి తాగే పదార్థాలు.