News February 23, 2026
ముర్రా జాతి గేదెల ప్రత్యేకతలు ఇవే
ముర్రా జాతి గేదెలు హర్యానా, పంజాబ్ ప్రాంతాలకు చెందినవి. వీటి శరీరం ముందు భాగం సన్నగా, వెనుక భాగం లావుగా V(వీ) ఆకారంలో ఉంటుంది. దీని వల్ల ఇవి తక్కువ ఆహారం తీసుకొని ఎక్కువ పాలను ఇస్తాయి. ఒక ముర్రా గేదె రోజుకు 14 నుంచి 20 లీటర్ల పాలు ఇస్తుంది. మేలైన జాతి గేదెలు రోజుకు 25-30 లీటర్ల వరకు పాలు ఇచ్చే ఛాన్సుంది. ఒక ఈత కాలంలో ఇవి సుమారు 270-300 రోజులు పాలు ఇస్తాయి. పాలలో వెన్న 7 నుంచి 9 శాతంగా ఉంటుంది.
Similar News
News February 27, 2026
నష్టాల్లో మొదలైన మార్కెట్లు
అంతర్జాతీయంగా ప్రతికూల సంకేతాలతో స్టాక్ మార్కెట్లు ఇవాళ నష్టాల్లో ప్రారంభం అయ్యాయి. సెన్సెక్స్ 270 పాయింట్లు కోల్పోయి 81,974 వద్ద, నిఫ్టీ 100 పాయింట్లు పతనమై 25,392 వద్ద ట్రేడ్ అవుతున్నాయి. ఐటీ మినహా మిగతా రంగాల షేర్లన్నీ నష్టాల్లో కొనసాగుతున్నాయి.
News February 27, 2026
విశ్రవసుడి గురించి మీకు తెలుసా?
విశ్రవసుడు గొప్ప వేద పండితుడు, తపశ్శాలి. పులస్త్యుని కుమారుడైన ఈయనకు అమిత శక్తి ఉంది. ఈయన మొదటి భార్య ఇలవిడ. వీరి సంతానమే కుబేరుడు. విశ్రవసుడి తపస్సుకు మెచ్చి సుమాలి తన కుమార్తె కైకసిని ఇచ్చి వివాహం చేశాడు. వీరి ద్వారా రావణ, కుంభకర్ణ, విభీషణ, శూర్పణఖ జన్మించారు. రావణుడు తన తండ్రి మాటను కాదని, కుబేరుడిని లంక నుంచి వెళ్లగొట్టడంతో విశ్రవసుడు తీవ్ర మనస్తాపానికి గురై వారిని విడిచిపెట్టి వెళ్లిపోయాడు.
News February 27, 2026
గ్రామ పంచాయతీలకు శుభవార్త
AP: LRS, BPSల కింద వచ్చిన ఆదాయంలో మున్సిపాలిటీలతోపాటు గ్రామ పంచాయతీలకూ వాటా ఇవ్వాలని ప్రభుత్వం తొలిసారి నిర్ణయించింది. ఈ మేరకు ఉత్తర్వులిచ్చింది. LRS కింద గ్రామాల్లో వచ్చే ఆదాయంలో పంచాయతీలకు 50%, పట్టణాభివృద్ధి, ప్రణాళికా విభాగాలకు 50% ఇవ్వనున్నారు. BPS కింద గ్రామీణ ప్రాంతాల్లో వచ్చిన ఆదాయంలో పంచాయతీలకు 70% ఇస్తారు.
* LRS: Layout Regularization Scheme
* BPS: Building Penalisation Scheme