News February 25, 2026
జగిత్యాల: ‘ఆరోగ్య, భీమా పథకాలు ఆగకుండా చూడాలి’
ప్రభుత్వం ప్రకటించిన ఆరోగ్య, భీమా పథకాలు ఎటువంటి అంతరాయం లేకుండా కొనసాగాలని సీనియర్ సిటిజన్ జిల్లా అధ్యక్షుడు హరి అశోక్ కుమార్ కోరారు. తెలంగాణ పెన్షనర్స్ సెంట్రల్ అసోసియేషన్ జిల్లా సమావేశంలో మాట్లాడుతూ.. భీమా వయోపరిమితిని 70 ఏళ్లకు పెంచాలని, పెండింగ్ డీఏలు, బకాయిలు విడుదల చేసి పీఆర్సీ ప్రకటించాలని ముఖ్యమంత్రి రేవంత్ రెడ్డిని విజ్ఞప్తి చేశారు. ఆరోగ్య పథకానికి ఈపీహెచ్ఎస్ పేరు పెట్టాలని సూచించారు.
Similar News
News February 27, 2026
చంద్రబాబుకు ఆహ్వాన పత్రిక అందజేసిన భట్టి
ఆంధ్రప్రదేశ్ సీఎం నారా చంద్రబాబు నాయుడిని తెలంగాణ ఉపముఖ్యమంత్రి మల్లు భట్టి విక్రమార్క శుక్రవారం మర్యాదపూర్వకంగా కలిశారు. మార్చి 5న హైదరాబాద్లో జరగనున్న తన కుమారుడు సూర్య విక్రమాదిత్య వివాహ వేడుకకు హాజరుకావాలని కోరుతూ ఆహ్వాన పత్రికను అందజేశారు. ఈ భేటీలో తెలంగాణ మంత్రి శ్రీధర్ బాబు కూడా పాల్గొన్నారు. వివాహానికి ఆహ్వానించిన భట్టి విక్రమార్కకు సీఎం చంద్రబాబు శుభాకాంక్షలు తెలిపారు.
News February 27, 2026
2018 బ్యాచ్ గ్రూప్-1 ఆఫీసర్లకు ఎదురుదెబ్బ
AP: 2018 బ్యాచ్ గ్రూప్-1 అధికారులకు సుప్రీంకోర్టులో ఎదురుదెబ్బ తగిలింది. తమను అప్రాధాన్య పోస్టులకు బదిలీ చేయాలంటూ హైకోర్టు డివిజన్ బెంచ్ ఇచ్చిన <<19238436>>ఉత్తర్వులను<<>> సవాల్ చేస్తూ దాఖలు చేసిన పిటిషన్ను కొట్టేసింది. డివిజన్ బెంచ్ ఉత్తర్వులు సరిగా ఉన్నాయని అత్యున్నత న్యాయస్థానం అభిప్రాయపడింది. ‘ప్రాధాన్య పోస్టులు లేకపోతే ఉద్యోగం చేయలేరా? ఎక్కడ ఉన్నా జీతం వస్తుంది. సంతృప్తిగా ఉండండి’ అని పేర్కొంది.
News February 27, 2026
ICMRలో 27 పోస్టులకు దరఖాస్తుల ఆహ్వానం
ఇండియన్ కౌన్సిల్ ఆఫ్ మెడికల్ రీసెర్చ్(ICMR)లో 27 సైంటిస్ట్ B పోస్టులకు అప్లై చేయడానికి ఎల్లుండే ఆఖరు తేదీ. పోస్టును బట్టి పీజీ(బయో మెడికల్ సైన్సెస్, ఫార్మసీ) ఫార్మా డీ, ME/MTech, MCA, BE/BTech, PhD అర్హతతో పాటు పని అనుభవం ఉండాలి. రాత పరీక్ష, ఇంటర్వ్యూ ద్వారా ఎంపిక చేస్తారు. నెలకు రూ.56,100-రూ.1,77,500 చెల్లిస్తారు. వెబ్సైట్: https://www.aiimsexams.ac.in