News February 26, 2026

అనంతపురం: పోక్సో కేసులో నిందితుడికి 4ఏళ్ల జైలు

శింగనమల మండలం చిన్నమట్లగొందికి చెందిన ముత్యాల సంపత్‌కు పోక్సో కోర్టు నాలుగేళ్ల జైలు శిక్ష, రూ.4వేల జరిమానా విధించింది. 2020లో ఓ మైనర్ బాలిక పట్ల అతడు అసభ్యంగా ప్రవర్తించగా, శింగనమల పోలీసులు కేసు నమోదు చేశారు. నేరం రుజువు కావడంతో న్యాయమూర్తి ఈ తీర్పునిచ్చారు. బాధితురాలికి రూ.50 వేల పరిహారం చెల్లించాలని ప్రభుత్వాన్ని ఆదేశించారు. నిందితుడికి శిక్ష పడేలా కృషి చేసిన పోలీసులను ఎస్పీ అభినందించారు.