News May 4, 2024

లాలూ కుమార్తెపై లాలూ పోటీ!

బిహార్ మాజీ CM, RJD అధినేత లాలూ ప్రసాద్ యాదవ్‌కు కంచుకోటగా పేరున్న సారణ్ నుంచి ఈసారి ఆయన కుమార్తె రోహిణీ యాదవ్ పోటీ చేస్తున్నారు. అదే స్థానం నుంచి రాష్ట్రీయ జన సంభావన పార్టీ అభ్యర్థిగా లాలూ ప్రసాద్ అనే పేరున్న వ్యక్తి బరిలోకి దిగారు. గతంలోనూ అతడు ఎన్నికల్లో మాజీ సీఎం లాలూపై పోటీకి దిగడంతో చాలామంది ఓటర్లు గందరగోళానికి గురయ్యారు. ఈసారి కూడా నామినేషన్ వేయడంతో ఈ స్థానంలో ఎన్నిక ఆసక్తికరంగా మారింది.