News May 4, 2024

అనంత: ఎన్నికల శిక్షణ కోసం వెళ్లి.. టీచర్ మృతి

తాడిపత్రి సమీపంలోని శివాలయం వద్ద రామాంజనేయులు అనే ఉపాధ్యాయుడు మృతిచెందాడు. ఉదయం 5 గంటల సమయంలో గమనించిన స్థానికులు పోలీసులకు సమాచారం అందించారు. బొమ్మనహల్ మండలం చంద్రగిరిలో విధులు నిర్వహిస్తున్న రామాంజనేయులు ఎన్నికల శిక్షణ కోసం తాడిపత్రికి వెళ్లినట్లు సమాచారం. మృతి చెందిన విషయం ఉరవకొండలో ఉన్న కుటుంబ సభ్యులకు, బంధువులకు పోలీసులు సమాచారం అందించారు. వడదెబ్బకు గురై చనిపోయినట్లు పోలీసులు భావిస్తున్నారు.