News May 4, 2024
ఇవాళ అర్ధరాత్రి OTTలోకి ‘మంజుమ్మల్ బాయ్స్’
మలయాళ బ్లాక్‌బస్టర్ మూవీ ‘మంజుమ్మల్ బాయ్స్’ ఇవాళ అర్ధరాత్రి నుంచి OTTలో స్ట్రీమింగ్ కానుంది. తెలుగుతో పాటు తమిళ, కన్నడ, హిందీ, మలయాళం భాషల్లో స్ట్రీమింగ్ చేస్తున్నట్లు డిస్నీ+హాట్‌స్టార్ ప్రకటించింది. ఈ చిత్రం తెలుగులోనూ పాజిటివ్ టాక్‌తో మంచి వసూళ్లు రాబట్టింది. దీనికి చిదంబరం దర్శకత్వం వహించారు. ఓ గుహలో చిక్కుకున్న ఫ్రెండ్‌ను కాపాడేందుకు తోటి మిత్రులు చేసే పోరాటం ఆధారంగా ఈ సినిమా తెరకెక్కింది.
Similar News
News January 2, 2025
సిడ్నీ టెస్ట్: ఈ ముగ్గురి నుంచే ముప్పు?
BGT ఐదో టెస్ట్ జరగనున్న సిడ్నీలో ఆస్ట్రేలియా బ్యాటర్లు స్మిత్, ఖవాజా, లబుషేన్‌కు మంచి రికార్డు ఉంది. ఇక్కడ స్మిత్ భారత్‌పై 4 ఇన్నింగ్స్‌లలో 400 రన్స్ చేశారు. ఇందులో 2 సెంచరీలు, 2 హాఫ్ సెంచరీలున్నాయి. ఖవాజా మొత్తంగా 12 ఇన్నింగ్స్‌ల్లో 832, లబుషేన్ 10 ఇన్నింగ్స్‌ల్లో 734 పరుగులు చేశారు. ఈ ముగ్గురిని త్వరగా ఔట్ చేస్తేనే భారత్ గెలిచేందుకు ఎక్కువగా అవకాశాలుంటాయని క్రికెట్ అనలిస్టులు చెబుతున్నారు.
News January 2, 2025
JAN 3న రాష్ట్ర మహిళా ఉపాధ్యాయ దినోత్సవం
TG: ఏటా జనవరి 3న రాష్ట్రవ్యాప్తంగా మహిళా ఉపాధ్యాయ దినోత్సవం నిర్వహించాలని రాష్ట్ర ప్రభుత్వం నిర్ణయించింది. సావిత్రిబాయి ఫూలే జయంతిని ‘మహిళా టీచర్స్ డే’గా నిర్వహించనున్నట్లు పేర్కొంటూ ఉత్తర్వులు జారీ చేసింది. అన్ని జిల్లాల్లో ఈ దినోత్సవాన్ని జరిపించాలని జిల్లా కలెక్టర్లను ఆదేశించింది. సావిత్రిబాయి ఫూలే జయంతిని ఇప్పటికే జాతీయ మహిళా ఉపాధ్యాయ దినోత్సవంగా నిర్వహిస్తున్న సంగతి తెలిసిందే.
News January 2, 2025
రోహిత్ శర్మకు అవమానం?
BGT ఐదో టెస్టుకు రోహిత్ శర్మను జట్టు నుంచి తప్పించినట్లు TIMES OF INDIA తెలిపింది. ఇదే నిజమైతే ఫామ్ లేమి కారణంగా సిరీస్ మధ్యలో జట్టులో స్థానం కోల్పోయిన తొలి భారత కెప్టెన్‌గా రోహిత్ నిలవనున్నారు. దీంతో వరల్డ్ కప్ విన్నింగ్ కెప్టెన్‌ను ఇలా అర్ధాంతరంగా తప్పించి అవమానిస్తారా అని ఫ్యాన్స్ ప్రశ్నిస్తున్నారు. కీలక మ్యాచుకు ముందు రెగ్యులర్ కెప్టెన్‌ను తప్పించడం కరెక్ట్ కాదని అంటున్నారు. దీనిపై మీ కామెంట్?