News March 12, 2026
గుంటూరులో విషాదం
గుంటూరు కాకుమానువారితోటకు చెందిన 9వ తరగతి విద్యార్థి రాఘవ (14) మామిడికాయలు కోస్తూ ప్రమాదవశాత్తు బావిలో పడి మరణించాడు. మృతుని తండ్రి రాము ఫిర్యాదు మేరకు అరండల్ పేట పోలీసులు కేసు నమోదు చేశారు. రాఘవ తన స్నేహితులతో కలిసి ఆడుకోవడానికి వెళ్ళి అరండల్ పేట 8/4 లో మామిడి కాయలు కోస్తుండగా బావిలో పడ్డాడు. ఈ క్రమంలో ఊపిరాడక రాఘవ మృతిచెందాడని, కేసు నమోదు చేసి దర్యాప్తు చేస్తున్నామని పోలీసులు తెలిపారు.
Similar News
News April 7, 2026
రేపు గుంటూరులో రేవుల వేలం.. సీల్ టెండర్లు తప్పనిసరి
గుంటూరు జెడ్పీ కార్యాలయంలో బుధవారం రేవుల వేలం నిర్వహించనున్నారు. ఉదయం 10 నుంచి మధ్యాహ్నం 1.30 వరకు సీల్ టెండర్లు స్వీకరిస్తారు. అనంతరం 2.30 గంటలకు బహిరంగ వేలం జరుగుతుంది. పాల్గొనేవారు ముందుగా టెండర్ సమర్పించాలి. రిజిస్ట్రేషన్, ఫిట్నెస్, ఇన్సూరెన్స్ పత్రాలు తప్పనిసరి. టెండర్ ఇచ్చినవారికే వేలంలో అవకాశం ఉంటుంది. వివాదాలపై అధికారుల నిర్ణయం తుది అని అధికారులు వెల్లడించారు.
News April 7, 2026
నల్లపాడు పోలీసులపై చర్యలు తీసుకోండి: అంబటి
మాజీమంత్రి అంబటి రాంబాబు సోమవారం హైకోర్టులో వ్యాజ్యం దాఖలు చేశారు. CM నారా చంద్రబాబుపై అనుచిత వ్యాఖ్యల నేపథ్యంలో పోలీసులు తనను అరెస్ట్ చేసినప్పుడు తీవ్రంగా ఇబ్బంది పెట్టారని, ఈ అంశంపై స్వతంత్ర దర్యాప్తు సంస్థతో విచారణ జరిపించాలని పిటిషన్లో కోరారు. ప్రధానంగా తనను ఇబ్బంది పెట్టిన నల్లపాడు పోలీసులపై చర్యలకు ఆదేశించాలని విజ్ఞప్తి చేశారు.
News April 7, 2026
ముందుగా బుక్ చేసుకున్న వారికే సిలిండర్: GNT జేసీ
ముందు బుక్ చేసిన వారికి సిలిండర్ డెలివరీ చేయాలని జాయింట్ కలెక్టర్ అశుతోష్ శ్రీవాస్తవ ఆదేశించారు. గుంటూరు జిల్లాలో LPG సేల్స్ ఆఫీసర్స్, గ్యాస్ ఏజెన్సీ డిస్ట్రిబ్యూటర్లుతో జాయింట్ కలెక్టర్ సోమవారం వీడియో కాన్ఫరెన్స్ నిర్వహించారు. ఎక్కువ పెండింగ్ ఉన్న ఏజెన్సీలు అదనపు లోడ్స్ తెప్పించాలని సేల్స్ ఆఫీసర్స్ను ఆదేశించారు. గ్యాస్ ఏజెన్సీలు ఖచ్చితంగా డోర్ డెలివరీ మాత్రమే చెయ్యాలన్నారు.