News May 5, 2024
ప్రియుడితో లైగర్ బ్యూటీ బ్రేకప్!
బాలీవుడ్‌ లవ్ బర్డ్స్ ఆదిత్య రాయ్ కపూర్, అనన్య పాండే తమ రెండేళ్ల బంధానికి బ్రేకప్ చెప్పుకున్నట్లు తెలుస్తోంది. ఈ విషయాన్ని వారి క్లోజ్ ఫ్రెండ్ ధ్రువీకరించారు. ‘వారిద్దరూ నెల కిందటే విడిపోయారు. ఇది మాకు షాక్ కలిగించింది. వారు జీవితంలో ముందుకెళ్లడానికి ప్రయత్నిస్తున్నారు’ అని పేర్కొన్నారు. ఈ జంట చివరగా అనంత్-రాధికా ప్రీవెడ్డింగ్ వేడుకకు హాజరైంది. లైగర్ మూవీతో అనన్య టాలీవుడ్‌కు పరిచయమయ్యారు.
Similar News
News December 29, 2024
మన్మోహన్ సింగ్‌కు భారతరత్న ఇవ్వాలి: మల్లు రవి
దివంగత మాజీ పీఎం మన్మోహన్ సింగ్‌కు భారత దేశ అత్యున్నత పురస్కారం ‘భారతరత్న’ను ఇవ్వాలని కాంగ్రెస్ ఎంపీ మల్లు రవి డిమాండ్ చేశారు. ‘మన్మోహన్ మృతి మన దేశానికి తీరని లోటు. ఆయన సంస్కరణలే దేశాన్ని అభివృద్ధివైపు పరుగులు పెట్టించాయి. దేశం ఓ మహానేతను కోల్పోయింది. ఆయన సేవలకు ‘భారతరత్న’ ఇవ్వాలి’ అని పేర్కొన్నారు.
News December 29, 2024
ఏపీ నూతన సీఎస్‌గా విజయానంద్?
AP: ఏపీ నూతన సీఎస్‌గా సీనియర్ ఐఏఎస్ ఆఫీసర్ విజయానంద్ నియమితులైనట్లు తెలుస్తోంది. ఇందుకు సంబంధించిన ఉత్తర్వులు రేపు వెలువడే అవకాశం ఉన్నట్లు సమాచారం. ప్రస్తుత సీఎస్ నీరభ్ కుమార్ పదవీ కాలం ఈ నెల 31తో ముగియనుంది. కాగా విజయానంద్ 1992 ఐఏఎస్ బ్యాచ్‌కు చెందిన అధికారి.
News December 29, 2024
ఫ్లైట్ 16 గంటల ఆలస్యం.. ప్రయాణికుల పడిగాపులు
ఇండిగో సంస్థ మరోసారి వార్తల్లో నిలిచింది. ఈరోజు ముంబై నుంచి ఇస్తాంబుల్ వెళ్లాల్సిన ఆ సంస్థ విమానం 16 గంటలు ఆలస్యమై ఆ తర్వాత రద్దైంది. ముంబై ఎయిర్‌పోర్టులోనే పడిగాపులుగాసిన 100మంది ప్రయాణికులు ఇండిగోపై తీవ్ర ఆగ్రహం వ్యక్తం చేశారు. తమకు కనీసం సమాచారం ఇవ్వలేదంటూ సోషల్ మీడియాలో పోస్టులు పెట్టారు. కాగా.. తాము ప్రయాణికులకు డబ్బులు రీఫండ్ చేసి వేరే ఫ్లైట్‌లో వారిని పంపించామని ఇండిగో వివరించింది.