News May 6, 2024
సైబర్ ఫ్రాడ్స్టర్ నుంచి 19కిలోల బంగారం సీజ్
పునీత్ కుమార్ అనే సైబర్ కేటుగాడి బ్యాంక్ లాకర్ నుంచి ఈడీ పెద్ద మొత్తంలో బంగారం స్వాధీనం చేసుకుంది. హరియాణా ఫరీదాబాద్లోని బల్లాభగఢ్ బ్రాంచ్ లాకర్ నుంచి ఈనెల 3న 19.5 కిలోల బంగారాన్ని సీజ్ చేసినట్లు ఈడీ వెల్లడించింది. గతనెల 3వ తేదీన ఢిల్లీ ఎయిర్పోర్టులో పట్టుబడ్డ పునీత్పై మనీలాండరింగ్ కేసు నమోదు చేసి ఈడీ దర్యాప్తు చేపడుతోంది. ఇందులో భాగంగా ఈ బంగారాన్ని స్వాధీనం చేసుకున్నట్లు తెలుస్తోంది.
Similar News
News February 4, 2026
ఒత్తయిన కనుబొమ్మలకి ఈ చిట్కాలు
– పెట్రోలియం జెల్లీని ఐబ్రోస్కి అప్లై చేసి, మసాజ్ చేయాలి. ఇలా చేయడం వల్ల రక్తప్రసరణ జరిగి కనుబొమ్మలు అందంగా పెరుగుతాయి.
– మెంతిపిండిలో కొబ్బరినూనె, కొబ్బరి పాలు కలిపిన కనుబొమ్మలకు రాత్రి అప్లై చేసి, ఉదయం శుభ్రం చేసుకోవాలి.
– బాదం నూనెను కనుబొమ్మలకి అప్లై చేసి, మసాజ్ చేసినట్లయితే ఒత్తుగా పెరుగుతాయి. ఇందులో ఉండే విటమిన్-A, B, E కనుబొమ్మలు పెరగటానికి ఉపయోగపడతాయి.
News February 4, 2026
పూజలో ‘‘మమ’’ అని ఎందుకు అనమంటారు?
పూజలు చేసేటప్పుడు పురోహితులు మంత్రాల మధ్యలో మనల్ని ‘మమ’ అనమని చెబుతుంటారు. సంస్కృతంలో ‘మమ’ అంటే ‘నా’ లేదా ‘నా కోసమే’ అని అర్థం. మంత్రాలన్నీ క్లిష్టంగా ఉండి అందరూ పలకలేరు కాబట్టి, పురోహితుడు మంత్రం చదివినప్పుడు మనం ‘మమ’ అంటే ఆ మంత్ర ఫలితం మనకే చెందుతుందని అర్థం. తప్పుగా మంత్రాలు పలికితే వచ్చే దోషాలు కలగకుండా, భక్తితో ఈ ఒక్క మాట అంటే ఆ కార్యం మనమే స్వయంగా చేసినంత పుణ్యం లభిస్తుంది.
News February 4, 2026
పండ్ల తోటలు: కొమ్మల కత్తిరింపులలో జాగ్రత్తలు
పండ్ల తోటల్లో కొమ్మ కత్తిరింపుల వల్ల సూర్యరశ్మి లోపలి భాగాలకూ చేరి ఎదుగుదల బాగుంటుంది. ఈ సమయంలో తగిన జాగ్రత్తలు తీసుకోవాలి. కత్తిరింపు పరికరాలను సోడియం హైపో/బ్లీచింగ్ పౌడర్ ద్రావణంలో ముంచిన తర్వాతే వాడుకోవాలి. లేదంటే ఏవైనా వ్యాధులు ఇతర చెట్లకు వ్యాపిస్తాయి. కత్తిరింపులు పూర్తయ్యాక చెట్ల భాగాలకు బ్లైటాక్స్ పేస్ట్/కాపర్ ఆక్సీక్లోరైడ్ పేస్ట్తో పూత వేయాలి. అధిక వర్షాలున్నప్పుడు కత్తిరింపులు చేయరాదు.