News May 7, 2024
ఓటేయండి.. ప్రజాస్వామ్యాన్ని కాపాడండి: ఖర్గే
ప్రజలందరూ భారీ సంఖ్యలో ఓటేసి ప్రజాస్వామ్యాన్ని పరిరక్షించాలని ఏఐసీసీ అధ్యక్షుడు మల్లికార్జున ఖర్గే పిలుపునిచ్చారు. లోక్‌సభ ఎన్నికల్లో నేడు మూడో దశ పోలింగ్ జరుగుతున్న సంగతి తెలిసిందే. ఈ నేపథ్యంలో ఆయన ట్వీట్ చేశారు. ‘రాజ్యాంగాన్ని, ప్రజాస్వామ్యాన్ని పరిరక్షించేందుకు ఓటేయండి. నియంతృత్వాన్ని ఓడించి డెమోక్రసీ ఎంచుకోండి. మన సంస్థలు స్వతంత్రంగా వ్యవహరించేందుకు తోడ్పడండి’ అని ట్విటర్‌లో కోరారు.
Similar News
News January 7, 2025
కొత్త పథకం ప్రకటించిన కేంద్ర మంత్రి
రోడ్డు ప్రమాద బాధితుల కోసం కేంద్ర మంత్రి నితిన్ గడ్కరీ కొత్త పథకాన్ని ప్రకటించారు. ప్రమాదం జరిగిన 24 గంటల్లో పోలీసులకు సమాచారం ఇచ్చిన తర్వాత బాధితులకు చికిత్స ఖర్చుల నిమిత్తం రూ.1.5 లక్షలు కేంద్రం తక్షణమే అందజేస్తుందని తెలిపారు. హిట్ అండ్ రన్ కేసులో మరణిస్తే రూ.2 లక్షలు ఇవ్వనున్నట్లు పేర్కొన్నారు. ప్రస్తుతం ఈ ప్రాజెక్టును కొన్ని రాష్ట్రాల్లో పైలట్ ప్రాజెక్టుగా చేపట్టామని తెలిపారు.
News January 7, 2025
ఇలా చేస్తే HAPPY LIFE మీ సొంతం
ఉరుకుల పరుగుల జీవితంలో కొన్ని విషయాల్లో నియంత్రణ అవసరం. జీవితాన్ని ఉత్తమంగా మార్చేందుకు ఈ 5Mను కంట్రోల్‌లో ఉంచుకోవాలని నిపుణులు చెబుతున్నారు. *MOUTH-ఏదైనా మాట్లాడే ముందు ఆలోచించాలి. *MIND-ప్రతి విషయంలో సానుకూల దృక్పథంతో ఉండాలి. *MANNER- మర్యాదపూర్వక ప్రవర్తన. *MOOD- భావోద్వేగాల నియంత్రణ. *MONEY- ఆర్థిక వ్యవహారాల్లో క్రమశిక్షణ వంటివి పాటిస్తే జీవితం మెరుగ్గా ఉంటుందని సూచిస్తున్నారు.
News January 7, 2025
తెలంగాణ హైకోర్టు సీజే బదిలీకి సిఫార్సు
తెలంగాణ హైకోర్టు సీజే అలోక్ అరాధే బదిలీకి సుప్రీంకోర్టు కొలీజియం సిఫార్సు చేసింది. ఆయనను బాంబే హైకోర్టు సీజేగా బదిలీ చేయాలని ప్రతిపాదించింది. 2023 జులైలో రాష్ట్ర హైకోర్టు సీజేగా అలోక్ నియమితులయ్యారు. మరోవైపు బాంబే హైకోర్టు సీజే దేవేంద్ర కుమార్‌ను ఢిల్లీ HCకి బదిలీ చేయాలని సిఫార్సు చేసింది.