News May 8, 2024
పూంఛ్ దాడి.. వెలుగులోకి ముష్కరుల చిత్రాలు
జమ్మూకశ్మీర్‌లోని పూంఛ్‌లో IAF కాన్వాయ్‌పై దాడికి పాల్పడిన ముగ్గురు ఉగ్రవాదులకు సంబంధించిన ఫొటోలు వెలుగులోకి వచ్చాయి. వీరిలో ఒకరు పాక్ సైన్యానికి చెందిన మాజీ కమాండో ఇలియాస్ కాగా అబు హమ్జా అనే మరో వ్యక్తి లష్కరే తోయిబా కమాండర్‌గా ఉన్నాడు. వీరితో పాటు హదూన్ అనే మరో ముష్కరుడూ పరారీలో ఉన్నాడు. జైషే మహమ్మద్‌కు చెందిన పీపుల్స్ యాంటీ ఫాసిస్ట్ ఫ్రంట్ (PAFF) తరఫున వీరు దాడులకు పాల్పడినట్లు తెలుస్తోంది.
Similar News
News January 7, 2025
సింగిల్ పేరెంట్‌గా లైఫ్ ఎలా ఉంది? సానియా సమాధానమిదే
సానియా మీర్జా, షోయబ్ మాలిక్‌ గతేడాది JANలో విడాకులు తీసుకున్న విషయం తెలిసిందే. వీరి అబ్బాయి ఇప్పుడు సానియా వద్దే ఉంటున్నారు. ఈక్రమంలోనే సింగిల్ పేరెంట్‌గా జీవితం ఎలా ఉందని ఆమెకు ప్రశ్న ఎదురైంది. అయితే ప్రస్తుతం తన ప్రపంచమంతా కొడుకు ఇజానేనని సానియా తెలిపారు. అతడిని ఎప్పుడూ విడిచి పెట్టి ఉండటానికి ఇష్టపడనని చెప్పుకొచ్చారు. అటు వర్క్‌ని, కొడుకు బాగోగులను బ్యాలెన్స్ చేసుకుంటున్నట్లు వెల్లడించారు.
News January 7, 2025
చలికాలం ఎక్కువగా తలనొప్పి వస్తోందా?
వింటర్‌లో సరిగ్గా ఊపిరి తీసుకోవడంలో ఇబ్బందులు ఎదురవుతాయి. అలాగే ఉదయం ఆలస్యంగా నిద్ర లేవడం వల్ల స్లీపింగ్ ప్యాటర్న్ డిస్టర్బ్ అవుతుంది. దీంతో తలనొప్పి ఎక్కువగా వచ్చే అవకాశం ఉంది. బ్రీతింగ్ ఎక్సర్‌సైజ్ చేయడం ద్వారా మజిల్స్ రిలాక్సై తలనొప్పి తగ్గుతుంది. హెడెక్ ఉన్న ట్రిగ్గర్ పాయింట్ వద్ద మసాజ్ థెరపీతోనూ ఉపశమనం పొందొచ్చు. ఇక తల, మెడ, భుజాలపై హీటింగ్ ప్యాడ్స్‌ పెట్టడం వల్ల కూడా రిలీజ్ లభిస్తుంది.
News January 7, 2025
కేటీఆర్ క్వాష్ పిటిషన్‌పై నేడు హైకోర్టు తీర్పు
TG: ఫార్ములా-ఈ కార్ రేసు కేసులో మాజీ మంత్రి కేటీఆర్ క్వాష్ పిటిషన్‌పై హైకోర్టు ఇవాళ తీర్పు వెల్లడించనుంది. తనపై ఏసీబీ కేసు కొట్టివేయాలన్న పిటిషన్‌పై ఇటీవల వాదనలు ముగిశాయి. తీర్పు వెల్లడించే వరకు కేటీఆర్‌ను అరెస్టు చేయొద్దని హైకోర్టు ఆదేశాలు ఇచ్చింది. ఇవాళ ఉదయం 10:30కు తీర్పు వెల్లడించనుంది. క్వాష్ పిటిషన్‌పై ధర్మాసనం ఎలాంటి తీర్పు ఇస్తుందోనని సర్వత్రా ఉత్కంఠ నెలకొంది.