News March 31, 2026

ఖమ్మం: ‘మన ఇసుక వాహనం’ యాప్ ఆవిష్కరణ

ఖమ్మం జిల్లాలో ఇసుక సరఫరాను మరింత పారదర్శకం చేసేందుకు రూపొందించిన “మన ఇసుక వాహనం” మొబైల్ యాప్‌ను కలెక్టర్ అనుదీప్ దురిశెట్టి సోమవారం ప్రారంభించారు. ఏప్రిల్ 1 నుంచి ఈ యాప్ అందుబాటులోకి రానుందని, వినియోగదారులు ఆన్‌లైన్ ద్వారా దరఖాస్తు చేసుకుంటే క్యూఆర్ కోడ్ ఆధారంగా ఇసుక డెలివరీ చేస్తారని వివరించారు. ఇసుక అక్రమ రవాణాను అరికట్టడమే లక్ష్యంగా ఈ విధానాన్ని ప్రవేశపెట్టినట్లు కలెక్టర్ స్పష్టం చేశారు.