News April 1, 2026
ఉమ్మడి వరంగల్లో చికెన్ సెంటర్ల నిరవధిక బంద్
ఉమ్మడి జిల్లాలో నేటి నుంచి చికెన్ సెంటర్లు నిరవధిక బంద్ను పాటించనున్నాయి. బ్రాయిలర్ కోళ్ల సరఫరా కంపెనీలు సిండికేట్గా ఏర్పడి మాంసాన్ని అధిక ధరలకు విక్రయిస్తూ, మార్జిన్ తగ్గించడంతో తీవ్ర నష్టాలు చూస్తున్నామని షాపుల నిర్వాహకులు ఆవేదన వ్యక్తం చేస్తున్నారు. జిల్లాలో సుమారు 3,500 చికెన్ సెంటర్లు ఉండగా, రోజుకు 500 టన్నుల అమ్మకాలు జరుగుతున్నాయి. ఈ రంగంపై దాదాపు 17,500ల కుటుంబాలు ఆధారపడి జీవిస్తున్నాయి.
Similar News
News April 3, 2026
పీడీఎస్ సేవలు పారదర్శకంగా ఉండాలి: నిత్యానంద్
టేక్మాల్: రేషన్ బియ్యం పంపిణీలో అక్రమాలకు పాల్పడితే కఠిన చర్యలు తప్పవని జిల్లా పౌరసరఫరాల అధికారి నిత్యానంద్ హెచ్చరించారు. వెలుపుగొండ రేషన్ షాపును ఆకస్మికంగా తనిఖీ చేయగా 36.32 క్వింటాళ్ల బియ్యం తక్కువగా ఉన్నట్లు గుర్తించారు. దీంతో డీలర్ దినకర్పై 6-ఏ నిబంధన కింద కేసు నమోదు చేశారు. నిబంధనల ప్రకారం పారదర్శక సేవలు అందించాలని ఆదేశించారు. విధుల పట్ల నిర్లక్ష్యం వహిస్తే ఉపేక్షించేది లేదని స్పష్టం చేశారు.
News April 3, 2026
నెల్లూరు KGBVల్లో ప్రవేశాలకు గడువు పొడిగింపు
నెల్లూరు జిల్లాలోని కస్తూర్బా గాంధీ బాలిక విద్యాలయాల్లో ప్రవేశాలకు సంబంధించిన గడువును ఈనెల 10వ తేదీ వరకు పొడిగించినట్లు జిల్లా సమగ్రశిక్ష అసిస్టెంట్ ప్రాజెక్టు కోఆర్డినేటర్ వెంకటసుబ్బయ్య ఓ ప్రకటనలో తెలిపారు. 2026-27 విద్యా సంవత్సరానికి 6, 11వ తరగతుల్లో, 7 నుంచి పది, 12వ తరగతుల్లో మిగిలిన సీట్ల కోసం ఆసక్తి ఉన్నవారు దరఖాస్తు చేసుకోవాలని సూచించారు.
News April 3, 2026
మెగాస్టార్ 158 మూవీ ఆ రోజే ప్రారంభం?
మెగాస్టార్ చిరంజీవి – దర్శకుడు బాబీ కాంబినేషన్లోని ‘మెగా 158’ ప్రాజెక్టు ఈనెల 11న లాంచ్ కానున్నట్లు సమాచారం. ఏప్రిల్ 20 నుంచి రెగ్యులర్ షూటింగ్ మొదలుకానుందని.. దీని కోసం చిత్ర యూనిట్ ఇప్పటికే అన్ని ఏర్పాట్లను పూర్తి చేసినట్లు తెలుస్తోంది. ‘వాల్తేర్ వీరయ్య’ హిట్ తర్వాత మరోసారి ఈ చిరు-బాబీ కాంబోలో మూవీ రానుండటంతో దీనిపై అభిమానుల్లో అంచనాలు నెలకొన్నాయి. ఈ చిత్రానికి తమన్ మ్యూజిక్ అందించనున్నారు.