News April 3, 2026
తెలంగాణలో కొత్త పెన్షన్ చెల్లింపు విధానం..!
2026-27 కొత్త ఆర్థిక సంవత్సరంలో పదవీ విరమణ పొందిన ప్రభుత్వ ఉద్యోగులకు పింఛన్లు చెల్లించడంలో TG GOVT E-PPO (ఎలక్ట్రిక్ పెన్షన్ పేమెంట్ ఆర్డర్) అనే ఓ కొత్త విధానాన్ని 2 నెలల్లో ప్రవేశపెట్టనుంది. తద్వారా పెన్షన్దారులు ఆఫీస్కు వెళ్లకుండా తమ వివరాలను నేరుగా అప్డేట్ చేసుకోవడం, 12 నంబర్లతో ఉన్న ఒక కోడ్ ద్వారా ప్రతి నెల పెన్షన్ పొందడం, మరణించిన వారి చెల్లింపులు తక్షణం నిలిపివేయడానికి సహాయపడుతుంది.
Similar News
News April 8, 2026
హార్ముజ్ తెరిచేందుకు ఇరాన్ గ్రీన్ సిగ్నల్
అమెరికాతో రెండు వారాల సీజ్ఫైర్ ఒప్పందం జరిగినట్లు ఇరాన్ ఫారిన్ మినిస్టర్ అబ్బాస్ అరాఘ్చీ ధ్రువీకరించారు. సాంకేతిక పరిమితులను పరిగణనలోకి తీసుకుంటూ ఇరాన్ ఆర్మీ కోఆర్డినేషన్తో ఈ రెండు వారాల పాటు హార్ముజ్ జలసంధిని ఓపెన్ చేయనున్నట్లు తెలిపారు. ఇరాన్పై దాడులు నిలిపివేస్తే, తమ ఆర్మీ కూడా డిఫెన్సివ్ ఆపరేషన్స్ను ఆపేస్తుందని చెప్పారు. తమ 10 పాయింట్ల ప్రతిపాదనలపై చర్చించేందుకు US అంగీకరించిందన్నారు.
News April 8, 2026
‘స్థాన బలం’ ఎంత గొప్పదంటే?
నీళ్లలోన మొసలి నిగిడి యేనుగు బట్టు
బైట కుక్క చేత భంగ పడును
స్థానబల్మిగాని తన బల్మిగాదయా
విశ్వదాభిరామ! వినుర వేమ!!
తాత్పర్యం: నీళ్లలో ఉన్న చిన్న మొసలి కూడా పెద్ద ఏనుగునైనా నీటిలోకి లాగగలదు. కానీ అదే మొసలి నీటి నుంచి బయటకి వస్తే కుక్కకు కూడా భయపడుతుంది. మొసలికి ఆ బలము స్థానం వలన వచ్చిందే కానీ సొంత బలం కాదు. ఉన్న ప్రదేశాన్ని బట్టి కూడా వ్యక్తుల బలాబలాలు ఆధారపడి ఉంటాయి.
<<-se>>#PADHYAM<<>>
News April 8, 2026
IPL: గిల్ రీఎంట్రీ.. GT బోణీ కొడుతుందా?
ఐపీఎల్లో ఈరోజు ఢిల్లీ వేదికగా DC, GT రా.7.30 గంటలకు తలపడనున్నాయి. ఈ సీజన్లో DC ఇప్పటివరకు ఆడిన రెండు మ్యాచుల్లో గెలిచి ఫామ్లో ఉండగా, GT ఆడిన రెండు మ్యాచుల్లోనూ ఓడింది. దీంతో ఈరోజైనా గెలిచి ఆ జట్టు బోణీ కొడుతుందేమో చూడాలి. టోర్నీ చరిత్రలో ఇరు జట్లు ఇప్పటివరకు 7 సార్లు తలపడగా, GT 4 విజయాలతో పైచేయి సాధించింది. కండరాల నొప్పితో గత మ్యాచ్కు దూరమైన గుజరాత్ కెప్టెన్ గిల్ ఈ మ్యాచులో ఆడనున్నారు.