News May 9, 2024
ఆ ఛాన్స్ కోసం ఎదురుచూస్తున్నా: వాట్సన్
టీమ్ఇండియాకు కోచ్‌గా పనిచేసేందుకు తాను సిద్ధంగా ఉన్నట్లు మాజీ క్రికెటర్ షేన్ వాట్సన్ తెలిపారు. ‘నాకు కోచింగ్ ఇవ్వడమంటే ఇష్టం. ప్రస్తుతం ఢిల్లీ క్యాపిట‌ల్స్‌కు అసిస్టెంట్ కోచ్‌గా ప‌ని చేస్తున్నా. PSL, MLS లీగుల్లోనూ సేవ‌లందిస్తున్నా. గొప్ప ఆట‌గాళ్ల‌తో ప‌నిచేయడమంటే నాకు చాలా ఇష్టం. అందుకు టీమ్ఇండియా బాగా స‌రిపోతుంది. భవిష్యత్తులో అవకాశం వస్తే కోచ్‌గా పనిచేస్తా’ అని వాట్సన్ మనసులో మాటను బయటపెట్టారు.
Similar News
News December 25, 2024
విచిత్రం: మగ టీచర్‌కు ప్రసూతి సెలవు మంజూరు
బిహార్ విద్యాశాఖలో వింత ఘటన వెలుగులోకి వచ్చింది. వైశాలి జిల్లాకు చెందిన జితేంద్ర కుమార్ అనే మగ టీచర్ ప్రసూతి సెలవు కోసం ఆన్‌లైన్‌లో దరఖాస్తు చేసుకోగా విచిత్రంగా ఆయనకు మంజూరయ్యాయి. దీంతో ఆయన 8 రోజులపాటు మెటర్నిటీ లీవ్‌లను ఎంజాయ్ చేశాడు. ఈ విషయం సోషల్ మీడియాలో వైరలవడంతో అధికారులు స్పందించారు. సాంకేతిక సమస్య కారణంగానే ఇలా జరిగిందని చెప్పారు. ఈ వ్యవహారంపై దర్యాప్తు చేస్తామన్నారు.
News December 25, 2024
క్రీడా అవార్డుల్లో కేంద్రం వివక్ష: హర్వీందర్ సింగ్
ఖేల్‌రత్న అవార్డులకు నామినేట్ చేసే విషయంలో కేంద్రం వివక్ష చూపిస్తోందన్న <<14970210>>మనూ భాకర్ తండ్రి విమర్శల<<>> నడుమ పారిస్ పారాలింపిక్స్ స్వర్ణ విజేత హర్వీందర్ సింగ్ తీవ్ర ఆరోపణలు చేశారు. అవార్డుల విషయంలో కేంద్రం వివక్ష చూపిస్తోందని ఆరోపించారు. ‘టోక్యో పారాలింపిక్స్‌లో విజేతలకు ఖేల్ రత్న ఇచ్చారు. పారిస్ పారాలింపిక్స్‌లో విజేతలకు ఎందుకు ఇవ్వట్లేదు? ’ అని Xలో ప్రశ్నించారు.
News December 25, 2024
రేపటి టెస్టులో రోహిత్ ఓపెనింగ్!
రేపటి నుంచి ప్రారంభమయ్యే బాక్సింగ్ డే టెస్టులో కెప్టెన్ రోహిత్ శర్మ ఓపెనింగ్ చేసే అవకాశాలు ఉన్నాయి. యశస్వీతో కలిసి హిట్‌మ్యాన్ ఇన్నింగ్స్ ప్రారంభిస్తారని, కేఎల్ రాహుల్ మూడో స్థానంలో వస్తారని వార్తలు వస్తున్నాయి. మరోవైపు భారత్ ఇద్దరు స్పిన్నర్లతో బరిలోకి దిగే ఛాన్స్ ఉంది. నితీశ్ కుమార్ రెడ్డి స్థానంలో సుందర్ వస్తారని తెలుస్తోంది.