News May 10, 2024
విమానం లగేజీ కంపార్ట్మెంట్లో నిద్రించిన మహిళ
విమానంలో హాయిగా నిద్రపోవాలనుకున్న ఓ మహిళ వినూత్నంగా ఆలోచించారు. సీట్లో ఇబ్బంది పడుతూ నిద్రపోవడం ఎందుకనుకున్న ఆమె ఏకంగా సీట్ల పైన ఉండే లగేజీ కంపార్ట్మెంట్లో నిద్రించారు. ఓ ప్రయాణికుడు ఈ వీడియో తీయడంతో నెట్టింట వైరల్గా మారింది. సౌత్ వెస్ట్ ఎయిర్ లైన్స్కు చెందిన విమానంలో మే 6న ఈ ఘటన జరిగిందని ‘న్యూయార్క్ పోస్ట్’ వెల్లడించింది. ఈ తరహా ఘటన గతంలో వేరే ఎయిర్ లైన్స్లోనూ చోటుచేసుకుంది.
Similar News
News March 28, 2026
హైడ్రేటెడ్గా ఉండాలంటే వాటర్ తాగితే చాలా?
హైడ్రేటెడ్గా ఉండాలంటే కేవలం నీళ్లు తాగితే సరిపోదని వైద్యులు చెబుతున్నారు. సోడియం, పొటాషియం వంటి ఎలక్ట్రోలైట్లూ అవసరమని, ఇందుకోసం పొటాషియం, మెగ్నీషియం, సహజ లవణాలు ఉండే ఆహారాలు (అరటి, నారింజ, పాలకూర etc) తీసుకోవాలని సూచిస్తున్నారు. ఒకేసారి ఎక్కువ నీరు తాగితే ఉపయోగం ఉండదని చెబుతున్నారు. శరీరం డీహైడ్రేట్ అయిందనడానికి దాహం చివరి సంకేతమని, అందుకే దప్పిక లేకపోయినా నీళ్లు తాగాలంటున్నారు.
News March 28, 2026
ఈ ఆలయంలో విగ్రహమే ఉండదు!
తమిళనాడులోని చిదంబరం నటరాజ ఆలయం ఆధ్యాత్మికతకు, విజ్ఞానానికి నిలయం. పంచభూత లింగాలలో ఇది ‘ఆకాశ లింగానికి’ ప్రతీక. గర్భాలయంలోని తెరను తొలగిస్తే విగ్రహానికి బదులు శూన్యం (ఆకాశం) కనిపిస్తుంది. అంటే దేవుడికి ఎలాంటి ఆకారం ఉండదని అర్థం. మానవ శరీర నిర్మాణాన్ని పోలి ఉండే ఈ ఆలయ రూపకల్పన శాస్త్రవేత్తలను సైతం ఆశ్చర్యపరుస్తుంది. ఇలాంటి ఇంట్రెస్టింగ్ విషయాలు ‘వంద రోజుల్లో-వంద వింతలు’లో(32/100)
News March 28, 2026
మీది ప్రేమేనా? ఓసారి చెక్ చేసుకోండి!
మనం ఒకరిని ఇష్టపడేటప్పుడు అది ప్రేమా లేక ‘లిమరెన్స్’ అనే భ్రమలో ఉన్నామా? అని గుర్తించడం ముఖ్యం. లిమరెన్స్ అనేది ఓ రకమైన ‘ఎమోషనల్ అడిక్షన్’. ఈ స్థితిలో ఉన్నవారు అవతలి వ్యక్తి గురించి అతిగా ఊహించుకోవడం, వారి కోసం పరితపించడం చేస్తారు. వారిని కోల్పోతామేమో అనే అభద్రతాభావం మానసికంగా వేధిస్తుంది. నిజమైన ప్రేమలో నమ్మకం, గౌరవం ఉంటుంది. కానీ లిమరెన్స్ మిమ్మల్ని ఆ వ్యక్తిపై పిచ్చిగా ఆధారపడేలా చేస్తుంది.