News May 10, 2024
బ్రిజ్ భూషణ్‌కు ఢిల్లీ కోర్టు షాక్
భారత రెజ్లింగ్ సమాఖ్య మాజీ అధ్యక్షుడు, బీజేపీ నేత బ్రిజ్ భూషణ్ శరణ్ సింగ్‌కు ఢిల్లీ రౌస్ అవెన్యూ కోర్టు షాకిచ్చింది. రెజ్లర్లపై లైంగిక వేధింపుల ఆరోపణలు ఎదుర్కొంటున్న బ్రిజ్ భూషణ్‌పై ఛార్జ్ షీట్ దాఖలు చేయాలని పోలీసులను ఆదేశించింది. అందుకు తగిన ఆధారాలు రికార్డుల్లో ఉన్నాయని పేర్కొంది. కాగా.. ఈ ఆరోపణల నేపథ్యంలో బీజేపీ అతడికి ఎంపీ టికెట్ ఇవ్వకుండా.. అతడి కుమారుడికి అవకాశం ఇచ్చింది.
Similar News
News January 9, 2025
రాష్ట్రంలో ఇక KF బీర్లు దొరకవా?
TG: ప్రభుత్వం రేట్లు పెంచడం లేదంటూ యునైటెడ్ బ్రూవరీస్(UB) సరఫరా నిలిపివేసిన సంగతి తెలిసిందే. KF సహా 7 రకాల బీర్లు తయారుచేసే ఈ సంస్థకు సంబంధించి ఇంకా 14 లక్షల కేసుల స్టాక్ ఉందని మంత్రి జూపల్లి తెలిపారు. కొన్నిరోజుల పాటు KF బీర్లు వైన్స్‌లో అందుబాటులో ఉండే అవకాశం ఉంది. అప్పటిలోపు ప్రభుత్వం, UB కంపెనీ మధ్య సయోధ్య కుదిరితే KF బీర్ల సరఫరాకు ఆటంకం ఉండదు. లేదంటే ఇకపై రాష్ట్రంలో ఆ రకం బీర్లు లభించవు.
News January 9, 2025
Breaking: 1978 సంభల్ అల్లర్ల కేసు రీఓపెన్
1978 సంభల్ అల్లర్లపై UP Govt కీలక నిర్ణయం తీసుకుంది. దశాబ్దాలుగా మూసేసిన కేసును 47 ఏళ్ల తర్వాత తెరుస్తోంది. వారంలోపు దర్యాప్తును ముగించి రిపోర్టు ఇవ్వాలని SPని ఆదేశించింది. UP MLC శ్రీచంద్ర శర్మ డిమాండుతో ప్రభుత్వం అనుమతి ఇచ్చింది. అల్లర్లకు పాల్పడింది ఎవరు? రాజకీయ ఒత్తిళ్లతో పేర్లు వెల్లడించని వ్యక్తులు ఎవరు? స్వస్థలాన్ని వదిలేసి వెళ్లిన వారెందరో గుర్తించడమే రీఓపెన్ ఉద్దేశంగా తెలుస్తోంది.
News January 9, 2025
ఈ ఘటనకు బాధ్యులు ఎవరో తేల్చాలి: వైవీ సుబ్బారెడ్డి
AP: తిరుపతి తొక్కిసలాట ఘటన ఘోరమని టీటీడీ మాజీ ఛైర్మన్ వైవీ సుబ్బారెడ్డి అన్నారు. ఈ ఘటనపై పూర్తి స్థాయిలో విచారణ చేపట్టి, బాధ్యులు ఎవరో తేల్చాలని ఆయన డిమాండ్ చేశారు. ‘వైసీపీ హయాంలో ఇలాంటి దుర్ఘటనలు జరగకుండా చూసుకున్నాం. అధికారులతో టీటీడీ సరిగ్గా పనిచేయించలేదు. పోలీసులను కక్షసాధింపు చర్యలకు వాడుకుంటున్నారు. భక్తుల మరణాలకు ప్రభుత్వమే బాధ్యత వహించాలి’ అని ఆయన వ్యాఖ్యానించారు.