News May 12, 2024

తగిన బస్సులు ఏర్పాటు చేయకపోవడం దురదృష్టకరం: నాదెండ్ల

AP: ఓటు వేసేందుకు స్వస్థలాలకు వచ్చే ఓటర్లు బస్సులు లేక తీవ్ర ఇబ్బందులు పడుతున్నారని జనసేన నేత నాదెండ్ల మనోహన్ అన్నారు. ‘హైదరాబాద్, బెంగళూరు, చెన్నై తదితర నగరాల్లో ఉపాధి కోసం వెళ్లినవారు ఓటు వేయాలనే బాధ్యతతో వస్తున్నారు. అవసరమైనన్ని బస్సులు ఏర్పాటు చేయడం ఆర్టీసీ కనీస బాధ్యత. ప్రయాణికుల్ని ఇబ్బంది పెట్టడం దురదృష్టకరం. ఎన్నికల సంఘం స్పందించి సమస్యను పరిష్కరించాలి’ అని కోరారు.