News May 13, 2024

రోదసి పరిశ్రమల్లో ‘ప్రైవేటు’కు అద్భుత అవకాశాలు: సోమనాథ్

భారత రోదసి పరిశ్రమల్లో రాణించేందుకు ప్రైవేటు రంగానికి అద్భుతమైన అవకాశాలున్నాయని ఇస్రో ఛైర్మన్ ఎస్ సోమనాథ్ అన్నారు. ‘వచ్చే పదేళ్లలో మన రోదసి రంగం 10 బిలియన్ డాలర్ల పరిశ్రమగా మారుతుందని అంచనా. ప్రస్తుతం అది 2 బిలియన్ డాలర్లుగా ఉంది. ఇప్పటి వరకు ఇస్రో ద్వారా 400 ప్రైవేటు సంస్థలు లాభపడ్డాయి. మున్ముందు ఈ రంగంలో మరింత వృద్ధికి అవకాశం ఉంది. వాటిని ఔత్సాహికులు అందిపుచ్చుకోవాలి’ అని సూచించారు.