News May 13, 2024

‘ఓటింగ్ వివరాల్లో జాప్యం’.. విచారణ చేపట్టనున్న సుప్రీంకోర్టు

లోక్‌సభ ఎన్నికల్లో తొలి రెండు విడతల పోలింగ్ వివరాలను ఈసీ వెల్లడించడంలో ఆలస్యం కావడంపై ఈనెల 17న సుప్రీంకోర్టు విచారణ చేపట్టనుంది. జాప్యం సహా ఈసీ గణాంకాల కచ్చితత్వంపై అనుమానం వ్యక్తం చేస్తూ దాఖలైన పిటిషన్‌ను సుప్రీం స్వీకరించింది. ప్రాథమిక పోలింగ్ వివరాలతో పోలిస్తే తర్వాత విడుదల చేసిన డేటాలో పోలింగ్ శాతం భారీగా పెరిగిందని పిటిషనర్లు ఆరోపించారు. ఈసీ అసలు రికార్డులను వెబ్‌సైట్‌లో అప్లోడ్ చేయాలన్నారు.