News May 13, 2024
నిజామాబాద్: సాయంత్రం 5 వరకు 67.96% పోలింగ్
నిజామాబాద్ పార్లమెంట్ నియోజకవర్గం పరిధిలో ఇప్పటివరకు 67.96% పోలింగ్ నమోదయింది. ఉదయం 7 గంటలకు ప్రారంభమైన పోలింగ్ ప్రక్రియలో సాయంత్రం 5 గంటల వరకు నమోదైన ఓటింగ్ శాతం ఈ విధంగా ఉంది. ఆర్మూర్‌లో 69.61, బోధన్ – 70.84, నిజామాబాద్ అర్బన్ – 57.86, నిజామాబాద్ రూరల్- 70.54, బాల్కొండ – 71.31, కోరుట్ల – 70.07, జగిత్యాల – 68.55 శాతంతో NZB నియోజకవర్గంలో 67.96 పోలింగ్ శాతం నమోదయింది.
Similar News
News January 22, 2025
NZB: జాబితాలో నుడా మాజీ ఛైర్మన్ భార్య పేరు
ఇందిరమ్మ ఇళ్ల జాబితాలో నుడా మాజీ ఛైర్మన్ భార్య పేరు రావడం బుధవారం నిజామాబాద్‌లో చర్చనీయాంశంగా మారింది. 43వ డివిజన్‌లో పాత అంబేడ్కర్ భవన్‌లో నిర్వహించిన వార్డుసభ కార్యక్రమంలో ఇందిరమ్మ ఇళ్ల పథకానికి సంబంధించి జాబితా పరిశీలించారు. ఇందులో నుడా మాజీ ఛైర్మన్ ప్రభాకర్ భార్య చామకూర విశాలిని రెడ్డి పేరు (సీరియల్ నంబర్ 106) (ఇటుకల గోడ) రావడంతో అంతా అవాక్కయ్యారు. దీనిపై పలువురు అభ్యంతరం వ్యక్తం చేశారు.
News January 22, 2025
కాంగ్రెస్ బీజేపీ రెండు ఒకటే: కవిత
బీఆర్ఎస్ కార్యాలయాలపైకి, ఇళ్లపైకి వస్తామంటే భయపడే ప్రసక్తే లేదని నిజామాబాద్ MLC కవిత అన్నారు. 60 లక్షల మంది సైనికులు ఉన్న కుటుంబం BRS పార్టీదని, BRS కార్యకర్తలు తలుచుకుంటే తెలంగాణలో కాంగ్రెస్ నాయకులు తిరిగే పరిస్థితి ఉండదని హెచ్చరించారు. యాదాద్రి భువనగిరి జిల్లా BRS కార్యాలయంలో ఆమె మాట్లాడారు. రాష్ట్రంలో కాంగ్రెస్, బీజేపీ రెండు ఒకటేనని ఆరోపించారు.
News January 22, 2025
దరఖాస్తులను జాగ్రత్తగా పరిశీలించాలి: NZB కలెక్టర్
గ్రామసభల్లో ఇందిరమ్మ ఇళ్ల కోసం వచ్చిన దరఖాస్తులను, ప్రత్యేకించి అద్దె ఇంట్లో ఉన్నామని వచ్చే దరఖాస్తులను జాగ్రత్తగా పరిశీలించాలని నిజామాబాద్ కలెక్టర్ రాజీవ్ గాంధీ హనుమంతు అధికారులను ఆదేశించారు. ఎక్కడ కూడా నిర్లక్ష్యానికి తావు లేకుండా అధికారులందరూ అత్యంత జాగ్రత్తగా ఈ ప్రక్రియను సజావుగా నిర్వహించాలన్నారు.